गृहमन्त्रीले सुराकीको नाममा किन गर्छन् अनावश्यक खर्च ?

राजनीति

- न्यूज नेपाल

काठमाडौं। मुलुकका विभिन्न मन्न्त्रालयहरुले विभिन्न बहानामा अनावश्यक खर्च गर्दै आएका छन् । देशको सुरक्षा गर्ने प्रमुख निकाय गृह मन्त्रालयमा पनि सुरक्षाका नाममा अनावश्यक खर्च हुने गरेको छ । अनावश्यक खर्चमा सुराकीका नाममा हुने खर्च पनि एक हो ।

उपप्रधान एवं गृहमन्त्री नारायणकाजी श्रेष्ठले सुराकीको नाममा हुने खर्च खारेज गर्ने प्रक्रिया अघि बढाउनु भएको छ । उपप्रधानमन्त्री श्रेष्ठले प्रस्ताव मन्त्रिपरिषद्लै जाने निर्णय गर्नु भएको छ । शुक्रवार पदभार समालेपछि श्रेष्ठले सुराकीको नाममा गृहमन्त्रीले खर्च गर्न पाउने व्यवस्था खारेज गर्नुपर्ने प्रस्ताव मन्त्रिपरिषद् लैजाने निर्णय गर्नु भएको हो ।

अहिले सुराकी परिचालन गर्ने नाममा गृहमन्त्रीले ठूलो रकम खर्च गर्न पाउने व्यवस्था छ । उपप्रधानमन्त्री श्रेष्ठले मिटरब्याजी समस्या समाधान गर्न आयोग गठन गर्ने प्रस्ताव पनि मन्त्रिपरिषद्मा लैजाने निर्णय गरेको बुझिएको छ । उहाँले मिजरब्याजीको समस्या समधान गर्न अधिकार सम्पन्न आयोग गठन गर्न मन्त्रिपरिषद्मा प्रस्ताव लैजाने निर्णय पनि गर्नु भएको छ ।