ताजा समाचार

उपराष्ट्रपति पद आवश्यक छैन : सांसद मनिष झा

समाचार
- न्युज नेपाल
       

काठमाडौँ । राष्ट्रिय स्वतन्त्र पार्टीका सांसद मनिष झाले देशमा उपराष्ट्रपति आवश्यक नरहेको बताएका छन् ।

आइतबारको प्रतिनिधिसभा बैठकमा बोल्दै उनले उपराष्ट्रपतिको पदले देशको खर्च मात्र बढाएको बताए ।

‘हाम्रो पार्टीले निर्वाचनताका वाचापत्रमा लेखेको थियो, हामी यो व्यवस्था चाहन्छौँ भनेर । अहिलेको संवैधानिक व्यवस्था हामीले नकार्न खोजेको होइन । हामी यसलाई सम्मान गर्छौँ र त्यो अभ्यास गर्छौँ,’ उनले भने, ‘तर, हामीले आफ्नो सुझाव त राख्न पाउँछौँ नि ।

हामी यो पदको परिकल्पना गर्दैनौँ । हामी यो पद आवश्यक छैन भन्छौँ ।’ उपराष्ट्रपतिको काम राष्ट्रिय सभाका अध्यक्षले गर्नसक्ने उनको भनाइ छ ।

आइतबार प्रतिनिधिसभामा मन्त्रीहरूले बजेटमाथि उठाएका प्रश्नको उत्तर दिँदै छन् ।

Comments

प्रकाशित मिति : 2023-06-25

अरु समाचार

© NewsNepal 2018 - All Right Reserved.
newsnepal.com 2017.hlon.org