वायु सेवा कम्पनीलाई कसिलो मापदण्ड,नयाँ कम्पनी स्थापना गर्न तीनवटा जहाज अनिवार्य

अर्थ र बाणिज्य

- न्युज नेपाल

काठमाडौं । नेपालमा अब वायु सेवा कम्पनी स्थापना गर्न न्यूनतम तीन जहाज हुनैपर्ने भएको छ।

वायुसेवा सञ्चालन प्रमाणपत्र निर्देशिका (एओसीआर) संशोधन गर्दै नेपाल नागरिक उड्डयन प्रधिकरणले अब नेपालमा दर्ता हुने वायुसेवा हेलिकप्टर वा फिक्स्ड विङ (जहाज) उडाउने कम्पनी न्यूनतम तीन वायुयान राख्नैपर्ने भएको छ ।

अहिलेसम्म एउटा हेलिकप्टर वा जहाजबाट वायुसेवा कम्पनी दर्ता हुने नियम थियो । प्राधिकरणका प्रवक्ता जगन्नाथ निरौलाले भने, अब नयाँ दर्ता हुदा तीन हेलिकेप्टर वा जहाज हुनैपर्नेछ । नत्र वायुसेवा दर्ता हुनेछैन । एओसीहारको १० औं संशोधनबाट यो नियम लागु गएिको उनले बताए । अहिले आन्तरिक उडानमा १२ वटा रोटर (हेलिकप्टर ) र ९ वया फिक्स् विङ एयरक्राफ्ट (जहाज) कम्पनी रहेको प्रधिकरण मातहतको फ्लाइट सेफ्टी स्ट्यान्डर्ड विभागले जनाएको छ । यीमध्ये एक वा दुई मात्रै वायुयान भएका हेलिकप्टर कम्पनी ५ छन् भने दुईटा मात्रै जहाज भएको वायुसेवा कम्पनी एउटा छ ।

पुरान कम्पनीलाई प्राधिकरणले प्रधिकरणले तत्काल न्यूनतम संख्यामा जहाज भएका कम्पनीलाई मर्जरका लागि बाटो खुल्ला गरिदिएको छ । हामीले वायुसेवा कम्पनीलाई मर्जर जान नीतिगत बाटो पनि खुल्ला गरिदिएका छौ, प्रवक्ता निरौलाले भने तर न्यूनतम ५ वटा जहाज हुनैपर्नेछ ।

एक दुई जहाज मात्रै सञ्चालन गर्ने वायुसेवा कम्पनीमा उडान सुरक्षामा लापरबाही हुने, दक्ष जनशक्ति अभाव भइरहने , कमजोर आर्थिक अवस्थाका कारण वायुसेवा कम्पनीले उडान सुरक्षा परिपालना गर्न नसक्नेलगायतका कारणले जहाजको न्यूनतम संख्या तोक्नुपरेको प्राधिकरणले जनाएको छ ।

हवाई टिकटमा भ्याट लगाउने बाटो खुल्यो

यसैबिच सर्वोच्च अदालतले अल्पकालीन आदेशलाई निरन्तरता नदिएसँगै अब हवाई यात्रुले टिकटकमा मूल्य अभिवृद्धि कर (भ्याट) तिर्नुपर्ने भएको छ । सर्वोच्चका न्यायधिशद्धय ईश्वरप्रसाद खतिवडा र सुष्मलता माथेमाको संयुक्त इजलासले साउन १४ मा जारी गरेको अल्पकालीन अन्तरिम आदेशलाई शुक्रबार निरन्तरता नदिने आदेश दिएको हो ।

सरकारले बजेट मार्फत हावई टिकटमा १३ प्रतिशत भ्याट लागु गर्ने निर्णय गरेपछि हवाई टिकटमा भ्याट लगाउँदा पर्यटन व्यवसायमा नकारात्मक असर पर्नेलगायतका कारण देखाउन्दै ३ हजार भन्दा बढि ट्राभल एजेन्ट्स (नाट्टा ) सरकारको निर्णयविरुद्ध सर्वोच्च अदालत पुगेको थियो ।

नेपालमा कोभिडपछि वार्षिक कम्तीमा ५० अर्ब रुपैयाँ बराबरको हवाई टिकट कारोबार भएको अन्तराष्ट्रिय हावई यातायात संगठनको तथ्यांक छ । आर्थिक मन्दीले प्रभावित अर्थतन्त्रमा राजस्व बढाउँने मात्र उद्देश्यले सरकारले हवाई टिकटमा एकमुस्ट १३ प्रतिशत भ्याट ल्याएको व्यवसायीको आरोप छ ।