एनआरएनए विश्व सम्मेलनको राष्ट्रपति पौडेलले गरे उद्घाटन

कुल आचार्य र बद्री केसीलाई गैरआवासीय नेपाली नागरिकता

राजनीति

- न्यूज नेपाल

काठमाडौं । गैरआवासीय नेपाली संघ (एनआरएनए) को विश्व सम्मेलन काठमाडौंमा सुरु भएको छ । सम्मेलनको राष्ट्रपति रामचन्द्र पौडेलले उद्घाटन गरेका छन् ।

सम्मेलनमा नेपाल सरकारका प्रतिनिधि, विभिन्न राष्ट्रिय समन्वय परिषद्का गैरआवासीय नेपाली प्रतिनिधि, एनआरएनका अभियन्ता र स्वदेशी तथा विदेशी विशिष्ट व्यक्तित्वलगायत करिब चार हजारभन्दा बढीको सहभागिता छ । विश्वभरबाट संघमा सूचीकृत सदस्यको संख्या भने ९६ हजार ८५० छ ।

विश्व सम्मेलन तथा ११औं महाधिवेशनले आगामी दुई वर्षका लागि नयाँ नेतृत्व चुन्नेछ । संघको अध्यक्षका लागि वर्तमान अध्यक्षद्वय बद्री केसी र रविना थापा तथा उपाध्यक्ष उपाध्यक्षद्वय महेश श्रेष्ठ र राजेन्द्रकुमार शर्माको उम्मेदवारी परेको हो ।

त्यस्तै, उपाध्यक्ष, महासचिवसहित ७६ पदाधिकारीका लागि १०९ जनाको उम्मेदवारी परेको छ । मनोनयन दर्ताका लागि असोज २५ देखि हिजो दिउँसो १ बजेसम्मको समय तोकिएको थियो ।

यसैबीच, कुल आचार्य र बद्री केसीलाई गैरआवासीय नेपाली नागरिकता प्रदान गरिएको छ । प्रधानमन्त्रीको सरकारी निवास बालुवाटारमा आचार्य र केसीलाई प्रधानमन्त्री पुष्पकमल दाहालले गैरआवासीय नेपाली नागरिकको नागरिकता प्रदान गरेका हुन् । योसँगै गैरआवासीय नेपालीलाई नागरिकता दिने कार्यक्रमको सुरुवात भएको छ ।

आचार्य र केसी गैरआवासीय नेपाली संघ ९एनआरएनए० का वर्तमान अध्यक्षसमेत हुन् । योसँगै अब अन्य गैरआवासीय नेपालीहरुले पनि नागरिकता पाउने बाटो खुलेको छ । गत जेठमा संशोधन भएको नागरिकतासम्बन्धी ऐनअनुसार सरकारले यसअघि नै नागरिकता नियमावली स्वीकृत गरेकाले गैरआवासीय नेपालीलाई नागरिकता पाउने बाटो खुलेको थियो ।