तोयम रायमाझी महालेखापरीक्षकमा सिफारिस

समाचार

- न्यूज नेपाल

काठमाडौं । संवैधानिक अंग महालेखा परीक्षकमा सचिव तोयम रायालाई सिफारिस गरेको छ ।

आइतबार बिहान बसेको संवैधानिक परिषदको बैठकले उनलाई महालेखा परीक्षकमा सिफारिस गरेको हो । संसदीय सुनुवाईपछि उनलाई राष्ट्रपतिले नियुक्ति दिनेछन् ।

महालेखा परीक्षक २०८० जेठ ७ गतेदेखि खाली थियो । संवैधानिक परिषदमा भागबण्डा नमिल्दा संविधान विपरीत खाली राखिएको थियो । संविधानतः महालेखा परीक्षकसहित संवैधानिक अंगका पदाधिकारी खाली राख्न मिल्दैन ।

संवैधानिक परिषदको बैठकले अहिले बिहान उनलाई सिफारिस गरेको स्रोतले जानकारी दिएको छ । लामो प्रशासनिक पृष्ठभूमि भएका उनी हाल प्रमुख तथ्याङ्क अधिकारीमा बहाल छन् । रायाको सचिव भएपछि साढे चार वर्षमा सात ठाउँमा सरुवा भएको थियो ।

प्रदेश सचिवमा एक वर्ष, अख्तियारमा २१ महिना, वाणिज्य सचिवमा चार महिना तथा अर्थ मन्त्रालयमा चार महिना कार्यरत थिए । त्यसबाहेक उपराष्ट्रपति कार्यालयमा तीन महिना र एक वर्षदेखि तथ्यांक विभागमा थिए ।

Comments

प्रकाशित मिति : 2024-03-31

तोयम रायमाझी महालेखापरीक्षकमा सिफारिस

Comments

अरु समाचार