ताजा समाचार

झापा कपः जीटीए दार्जिलिङलाई हराउँदै राष्ट्रिय जागृति क्लब इटहरी सेमिफाइनलमा

breaking news
-
       

दमक । भारतको जीटीए दार्जिलिङलाई हराउँदै इटहरीको राष्ट्रिय जागृति क्लब प्रथम झापा कपको सेमिफाइनलमा पुगेको छ । बिर्तामोडको डोमालाल राजवंशी मैदानमा आज भएको दोस्रो क्वाटरफाइनलमा जागृति क्लबले जीटीए दार्जिलिङलाई पेनाल्टी शुटआउटमा ४–२ गोलले हरायो । निर्धारित ९० मिनेटको खेलमा १–१ गोलको बराबरी भएपछि खेल पेनाल्टी शुटआउटमा पुगेको थियो ।

यसअघि सोमबार भएको पहिलो क्वाटरफाइनलमा विभागीय क्लब त्रिभुवन आर्मीलाई २–० गोलले हराउँदै सिरहाको सलहेश युवा क्लब सेमिफाइनलमा पुगेको छ । झापा कपको तेस्रो क्वाटरफाइनलमा भोलि चर्च ब्वाइज युनाइटेट र गोर्खा ब्वाइज स्पोर्ट्स क्लब रुपन्देही खेल्नेछन् ।

झापा–११ फुटबल क्लबको आयोजनामा भइरहेको प्रतियोगितामा नेपालका नौ र भारतको एउटा क्लबको सहभागिता छ । प्रतियोगिता पुस ८ गतेसम्म चल्नेछ । विजेताले १० लाख रुपैयाँ र उपविजेताले पाँच लाख रुपैयाँ पुरस्कार पाउनेछन् ।

Comments

प्रकाशित मिति : 2024-12-17

अरु समाचार

© NewsNepal 2018 - All Right Reserved.
newsnepal.com 2017.hlon.org