ताजा समाचार

अमेरिकाको पोखरीमा कार डुब्दा दुई नेपालीको मृत्यु

विश्व प्रवास
-
       

काठमाडौं । अमेरिकाको भर्जिनियामा पोखरीमा कार डुब्दा दुई नेपालीको मृत्यु भएको छ।

भर्जिनियाको स्यान्टिली शहरस्थित एक होटल बाहिर रहेको पोखरीमा बिहीबार बिहान कार डुब्दा उनीहरूको मृत्यु भएको हो।

फेयरफ्याक्स काउन्टी प्रहरीलाई उद्धृत गर्दै एनबीसीवाशिङ्टन डटकमले ५५ वर्षीय कर्ण खड्का र २० वर्षीय निश्चल भट्टको मृत्यु भएको जनाएको छ।

हिउँमा चिप्लिएर आंशिक रूपमा जमेको पोखरीम कार डुब्दा चालक खड्का र यात्रु भट्ट पोखरीभित्र फसेका थिए। पोखरी १० फिट गहिरो थियो ।

खड्का विङ्गेटमा काम गर्थे भने भट्टले जागिरका लागि आवेदन दिने योजनामा थिए।

केही नेपाली समुदायका मानिसहरू खड्का र भट्टको मृत्युमा शोक मनाउन बाहिर केही समय भेला भएका थिए ।

Comments

प्रकाशित मिति : 2025-01-10

अरु समाचार

© NewsNepal 2018 - All Right Reserved.
newsnepal.com 2017.hlon.org