सेयर बजारमा उच्च गिरावट

अर्थ र बाणिज्य

काठमाडौं । कारोबार हुने साताको पहिलो दिन आइतबार शेयर बजारमा गिरावट आएको छ ।

आज नेप्से परिसूचक ४६.३३ अंक घटेर २७७२ अंकमा कायम भएको छ । आज १० अर्ब ९ करोडको कारोबार भएको छ । कुल २४ कम्पनीको मूल्य बढ्दा २ सय १७ को घट्यो भने २ को स्थिर रहेको छ ।

आज सबै सेक्टर घटेका छन् । अन्य सेक्टर सबै भन्दा धेरै २.६९ प्रतिशत घट्यो । बैंकिङ १.३६, विकास बैंक १७१, फाइनान्स १८७, हाइड्रोपावर १.६६, लगानी २.४९, जीवन बीमा १.७४, उत्पादन ०.९१, माइक्रोफाइनान्स १.५८, निर्जीवन बीमा १.२६, अन्य २.६९ तथा व्यापार ०.८१ प्रतिशत घटे ।

गार्डियन माइक्रोलाइफ इन्स्योरेन्स र भूगोल इनर्जीको मूल्य १० प्रतिशत बढेको छ । बढेका अरु कम्पनीको वृद्धिदर ४ प्रतिशतभन्दा न्यून रहेको छ । उपकार लघुवित्त र सिन्धु विकास बैंकको मूल्य १० प्रतिशत घटेको छ भने, राप्ती हाइड्रोपावरको ९.८७, समाज लघुवित्तको ७.२८ तथा सगरमाथा जलविद्युतको मूल्य ५.२८ प्रतिशत घटेको छ ।

हिमालयन रिइन्स्योरेन्सको सबै भन्दा धेरै १ अर्ब १२ करोडको कारोबार भएको छ । कारोबारका आधारमा नेपाल पुनर्बीमा, एनआरएन इन्फ्रास्ट्रक्चर, गार्डियन माइक्रोलाइफ इन्स्योरेन्स र सीईडीबी होल्डिङ्स क्रमशः अगाडि रहेको छ ।

Comments

प्रकाशित मिति : 2025-03-09

सेयर बजारमा उच्च गिरावट

Comments

अरु समाचार