ताजा समाचार

पर्सामा वडा कार्यालय तोडफोड, कारण यस्तो…

समाचार
-
       

काठमाडौं । भारतीय नागरिकलाई नागरिकता सिफारिस नगरेको भन्दै पर्साको सखुवा प्रसौनी गाउँपालिका–४ स्थित वडा कार्यालयमा तोडफोड भएको बुझिएको छ ।

गएराति ५–६ जनाको समूहले कार्यालयको ताला फोडी भित्र प्रवेश गरी कुर्सी, टेबल, पंखा, दराज लगायत सामग्री नष्ट गर्नुका साथै लेटरप्याड, छाप र ल्यापटप चोरी गरेका गाउँपालिका एक अधिकारीले बताएका छन् ।

उनका अनुसार वडाध्यक्ष आरिफ अन्सारीले भारतीय नागरिकलाई नागरिकता सिफारिस नगरेको झोकमा तोडफोड भएको आशंका गरेका छन् । ती भारतीय नागरिकलाई नागरिकता दिन लामो समयदेखि दबाब र धम्की आइरहेको उनी बताउँछन् ।

तोडफोडमा संलग्न समूहविरुद्ध मुद्दा दर्ता गर्न वडाध्यक्ष अन्सारी जिल्ला प्रहरी कार्यालय पुगेका छन् । घटनाबारे अनुसन्धान भइरहेको जिल्ला प्रहरी कार्यलय पर्साले जनाएको छ ।

Comments

प्रकाशित मिति : 2025-04-09

अरु समाचार

© NewsNepal 2018 - All Right Reserved.
newsnepal.com 2017.hlon.org