ताजा समाचार

१ सय २८ वर्षिया योग गुरु शिवानन्दको निधन

विश्व प्रवास
-
       

काठमाडौं । भारतका १ सय २८ वर्षिया योग गुरु बाबा शिवानन्दको निधन भएको छ ।

भारतीय सञ्चार माध्यमका अनुसार शनिबार राति बनारसमा उनको निधन भएको हो । सास फेर्न कठिन भएपछि तीन दिनअघि उनी बनारस हिन्दू विश्वविद्यालयको अस्पतालमा उनलाई भर्ना गरिएको थियो ।

बनारसस्थित हरिशचन्द्र घाटमा उनको अन्तिम सँस्कार गरिने आज तकले उल्लेख गरेको छ । उनलाई सन् २०२२ मा पद्मश्री सम्मान प्रदान गरिएको थियो । उनी पूरा जीवन ब्रम्हचारी नै रहेका थिए ।

भारतीय प्रधानमन्त्री नरेन्द्र मोदीले बाबा शिवानन्द बाबाको निधनप्रति दुःख व्यक्त गरेका छन् । उनले सामाजिक सञ्जालमा पोस्ट गर्दै बाबाको जीवनले भारतका हरेक पुस्तालाई प्रेरित गरिरहने उल्लेख गरेका छन् ।

उनको जन्म सन् १८९६ को अगस्ट ८ मा हाल बंगलादेशमा पर्ने श्रीहट्टीमा भिक्षुक ब्राम्हण परिवारमा भएको दाबी गरिएको छ । उनी सानैदेखि धर्मकर्म र योग साधनामा लागेका थिए ।

Comments

प्रकाशित मिति : 2025-05-04

अरु समाचार

© NewsNepal 2018 - All Right Reserved.
newsnepal.com 2017.hlon.org