पत्रकार शिव भट्टराई भोजपुरेलाई सुन्दरहरैंचा उद्योग वाणिज्य संघले गर्यो सम्मान

अर्थ र बाणिज्य

विराटचोक । सुन्दरहरैंचा उद्योग वाणिज्य संघको २६ औं साधारणसभाको अवसरमा पत्रकार शिव भट्टराई भोजपुरेलाई विशेष सम्मान गरिएको छ। पत्रकारिता क्षेत्रमा पुर्याएको योगदानको उच्च मुल्यांकन गदै शनिबार (वैशाख २७ ) सुन्दरहरैंचा–१० स्थित बाघझोडा पर्यटकीय स्थलमा उहाँलाई सम्मान गरिएको हो ।

यसैबीच अपराध अनुसन्धानमा योगदान पुर्याएको भन्दै कोशी प्रदेश प्रहरी कार्यालय विराटनगरले केही महिनाअगाडि सुन्दरहरैंचा अपडेटका अध्यक्ष तथा सम्पादक भट्टराईलाई उच्च सम्मान गरेको थियो । यस्तै भट्टराई दर्जनौं संघसंस्था तथा कार्यालयहरुबाट पनि सम्मानित भइसक्नु भएको छ ।

उद्योग वाणिज्य संघको साधारणसभाको अवसरमा कृषि क्षेत्रको बिकासमा योगदान पुर्याउने मोहनलाल श्रेष्ठ ,खेल क्षेत्रमा दिपक भन्डारी लगायतलाई सम्मान गरिएको थियो । सुन्दरहरैंचा उद्योग वाणिज्य संघको २६ औं साधारणसभा शनिवार सम्मानलगायतका कार्यक्रमसहित सुन्दरहरैंचा–१० स्थित बाघझोडा पर्यटकीय स्थलमा भव्यरूपमा सम्पन्न भएको थियो ।

साधारणसभाको प्रमुख अतिथि प्रदेश सांसद ज्ञानेन्द्र सुवेदी हुनुहुन्थ्यो । कार्यक्रममा उद्योग वाणिज्य संघ कोशीका उपाध्यक्ष भीम पौडेल, संघका पूर्वअध्यक्ष नवराज चापागाईं र भोला दुलाल विशेष अतिथिको रूपमा सहभागी हुनुहुन्थ्यो ।

स्थानीय उद्योग, व्यापार तथा पर्यटन प्रवर्द्धनलाई लक्षित गर्दै आयोजना गरिएको साधारण सभामा उद्योगा वाण्ज्यि संघका अन्य पदाधिकारी, व्यापारी, उद्योगी तथा सरोकारवालाहरूको उल्लेखनीय उपस्थिति रहेको थियो । सभामा आर्थिक प्रतिवेदन प्रस्तुत गरिनुका साथै संघको भावी योजना र रणनीतिबारे विस्तृत छलफल भएको थियो ।