पत्रकार रमेश दवाडीलाई इस्टूले गर्यो सम्मान

समाचार

काठमाडौं । संस्थागत विद्यालय शिक्षक युनियन (ईस्टू) ले पत्रकार रमेश दवाडीलाई पुरस्कृत गरेको छ । काठमाडौँमा शनिबार आयोजित एक कार्यक्रममा यसअघि न्यूज नेपाल र हाल हिमाल प्रेसमा कार्यरत पत्रकार दवाडीलाई पुरस्कृत गरिएको हो ।

पत्रकारिताका माध्यमबाट शिक्षक तथा कर्मचारीहरूका पेसागत हकहित र सुरक्षाका न्यायपूर्ण आवाज उठान गर्नुका साथै समग्र नेपालको सार्वजनिक क्षिक्षा क्षेत्रको सवलीकरणका विषयहरू सशक्त रूपमा उठाउँदै शिक्षा पत्रकारितामा पु¥याएको योगदानका लागि ईस्टूले दवाडीलाई पुरस्कृत गरेको हो ।

ईस्टूका अध्यक्ष होमकुमार थापाले शिक्षा क्षेत्रको सबलीकरणका लागि निरन्तर कलम चलाउँदै आएकाले पत्रकार दवाडीलाई पुरस्कृत गरिएको बताए। कार्यक्रममा पत्रकार दवाडीलाई दोसल्ला, प्रमाणपत्र र नगदसहित पुरस्कृत गरिएको थियो।

कार्यक्रममा नेपाल शिक्षक महासंघका अध्यक्ष लक्ष्मीकिशोर सुवेदी, नेपाल शिक्षक संघका अध्यक्ष सोमनाथ गिरी, नेपाल राष्ट्रिय शिक्षक संगठनकी कार्यवाहक अध्यक्ष तारा थापा, नेपाल अभिभावक संघका अध्यक्ष सुप्रभात भण्डारी, नेपाल विद्यालय कर्मचारी परिषद्का अध्यक्ष गगांराम तिवारी, नेपाल शिक्षक महासंघमा आवद्ध सम्बद्ध घटकका प्रतिनिधिहरू सहभागी थिए।