भिजिट भिसा प्रकरणः छानविन समितिको मागमा नारायणकाजीले के भनेका थिए ?

News

- न्यूज नेपाल

काठमाडाैं । माओवादी केन्द्रका वरिष्ठ उपाध्यक्ष समेत रहेका पूर्वउपप्रधा एवम् गृहमन्त्री नारायणकाजी श्रेष्ठले भिजिट भिसा प्रकरणमा अहिले देखाइरहेको व्यवहारप्रति माओवादी नेताहरुले नै कटाक्ष गर्ने गरेका छन् ।

भिजिट भिसालाई व्यवस्थित पार्ने श्रेष्ठले माओवादी केन्द्रको पदाधिकारी बैठकको क्रममा भिजिट भिसा प्रकरणमा किन तनाव सिर्जना गरेको भन्दै प्रश्न गरेको स्रोतको दाबी छ ।

‘भिजिट भिसामा हाम्रो विरोध किन हो ? के का लागि राजीनामा र छानविनको कुरा हुँदैछ ? अख्तियारले कर्मचारी पक्राउ गरिसकेको छ । यसमा थप उत्तेजित हुन आवश्यक छैन् ।’ श्रेष्ठले खुमलटारमा बसेको पदाधिकारी बैठकमा बोलेको कुरा उदृत गर्दै एक पदाधिकारीले न्यूज नेपालसंग भने ।

आक्रमक पेश भएका श्रेष्ठले भिजिट भिसा प्रकरणमा धेरै उचालिन आवश्यक नरहेको भनेपछि माओवादी प्रमुख सचेतक हितराज पाण्डेले चर्को विरोध गरेको स्रोतको दाबी छ ।

सम्बन्धित समाचारः भिजिट भिसामा सेटिङः नारायणकाजीको ६ बुँदे खेलोफड्को र रवि कनेक्सन !

पाण्डेले यो विषयलाई यत्तिकै छाड्न हुन्न भन्दै संसदमा माओवादी दह्रोे पेस हुनुपर्नेमा जोड दिएपछि माओवादी पदाधिकारी बैठकले सोहिअनुसार निर्णय गरेको बताइन्छ । तर, त्यसपछि भने श्रेष्ठले सार्वजनिक रुपमा माओवादीको अडान भन्दै कुर्लिन थालेका थिए ।

माओवादीले दुई बुँदे गर्दै सत्तापक्षसंग सम्झाैता गर्दा समेत उनले असन्तुष्टी पोखेका थिए । तर, उनको असन्तुष्टीको खास अर्थ नहुने माओवादीकै नेताहरुले बताउने गरेका छन् । ‘भिजिट भिसा प्रकरणमा छानविन समितिको कुरा नै आवश्यक नभएको भनेका नेताले यस्ता विषयमा तर्क गर्नुको खास अर्थ रहन्न ।’ एक शीर्ष नेताले भने ।