ख्यालख्यालमै गयाे युवाकाे ज्यान…..

समाचार

- न्यूज नेपाल

काठमाडौं। दोलखाको जिरी नगरपालिकामा पार्कमा रहेको प्रतिक्षालयमा खेल्ने क्रममा लडेर गम्भीर घाइते भएका युवकको उपचारका क्रममा मृत्यु भएको छ ।

जिरी नगरपालिका–७ सुर्केका ३९ वर्षीय नुर्बु शेर्पाको काठमाडौंमा उपचारका क्रममा मृत्यु भएको हो । हिजो दिउँसो जङ्गली जडिबुटी खोज्न जिरीको ठूलो नागी क्षेत्र गएका शेर्पा जिरी नगरपालिका–६ स्थित गुराँस पार्कको प्रतिक्षालयमा झुण्डिएर खेल्ने क्रममा एक्कासी लडेर गम्भीर घाइते भएका थिए । प्रतिक्षालयको ट्रष्टमा झुण्डिने क्रममा सिमेन्टको कंक्रिटमा बजारिँदा उनको टाउकोमा गम्भीर चोट लागेको थियो ।

साथिहरुसँग त्यहाँ पुगेका उनलाई तत्काल उद्धार गरी जिरी अस्पतालमा पठाइएकोमा सामान्य उपचारपछि हिजो दिउँसो हेलिकोप्टर मार्फत काठमाडौं रिफर गरिएको थियो। जिरीबाट काठमाडौंको ह्याम्स अस्पतालमा लगिएकोमा उनलाई बौद्ध स्तुपा अस्पताल रिफर गरिएको थियो । तर,उपचारका क्रममा उनको निधन भएको पारिवारिक स्रोतले जनाएको छ ।

हाम्राे अपडेटबाट साभार गरिएकाे ।