भोटेकोशी नदीमा आएको विनाशकारी बाढीप्रति PNO द्वारा गहिरो दुःख व्यक्त

अर्थ र बाणिज्य

काठमाडौं । रसुवा जिल्लास्थित भोटेकोशी नदीमा आएको अकल्पनीय तथा विनाशकारी बाढीबाट भएको मानवीय क्षतिप्रति पीपल अफ नेपाली ओरिजिन (PNO), NRNA ICC ले गहिरो दुःख व्यक्त गर्दै मृतकहरूप्रति भावपूर्ण श्रद्धाञ्जली अर्पण गरेको छ।

PNO ले जारी गरेको शोक वक्तव्यमा प्राकृतिक विपत्तिका कारण असामयिक रूपमा ज्यान गुमाउनु भएका सम्पूर्ण दिवंगत आत्माप्रति हार्दिक श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गरिएको छ। वक्तव्यमा यस विनाशकारी बाढीले असंख्य परिवार तथा प्रभावित समुदायमा अपूरणीय क्षति पुर्‍याएको उल्लेख गर्दै आफ्ना प्रियजन गुमाउनु भएका परिवारजनलाई यस दुःखद् घडीमा धैर्य, साहस र मानसिक शक्ति प्राप्त होस् भन्ने कामना गरिएको छ।

PNO ले दिवंगत आत्माहरूको चिरशान्तिको कामना गर्दै प्रभावित परिवार तथा समुदायप्रति दृढ ऐक्यबद्धता प्रकट गरेको छ। साथै, विपत्तिको यस कठिन समयमा सम्पूर्ण नेपाली मूलका व्यक्तिहरू एकताबद्ध भई प्रभावित समुदायको साथमा उभिनुपर्नेमा जोड दिइएको छ। PNO ले बाढीबाट प्रभावित सम्पूर्ण परिवार तथा समुदायप्रति हार्दिक सहानुभूति व्यक्त गर्दै दिवंगत आत्माहरूको चिरशान्तिको प्रार्थना गरेको छ।