दोलखाका ‘युवा’ नोर्बु शेर्पाको राजनीतिक सक्रियता बढ्दो, कांग्रेसको क्षेत्रीय प्रतिनिधिमा निर्विरोध चयन

राजनीति

काठमाडौं । दोलखा जिल्लाको उत्तरी भेगअन्तर्गत गौरीशंकर गाउँपालिका–६ का नोर्बु शेर्पा नेपाली कांग्रेसको क्षेत्रीय प्रतिनिधिमा निर्विरोध चयन भएका छन्। पार्टी संगठनमा लामो समयदेखि सक्रिय शेर्पा नेपाली कांग्रेस दोलखा क्षेत्र नं. १ का सचिव तथा नेपाल विद्यार्थी संघका केन्द्रीय सदस्यसमेत भइसकेका छन्।

दोलखाको गौरीशंकर गाउँपालिका–६ लाई स्थायी बसोबास बनाउँदै आएका शेर्पाको क्षेत्रीय प्रतिनिधिमा निर्विरोध चयनलाई स्थानीय कांग्रेस कार्यकर्ताहरूले पार्टीमा युवाको सक्रियता बढाउने अवसरका रूपमा लिएका छन्। आगामी दिनमा शिक्षा, विद्यार्थी अधिकार तथा स्थानीयस्तरका सामाजिक विषयमा थप सक्रिय भएर काम गर्ने शेर्पाले बताएका छन्।

विद्यार्थी राजनीति गर्दा शेर्पाले शिक्षा क्षेत्रमा देखिएका विकृति, विसंगति तथा विद्यार्थीका समस्याविरुद्ध प्रभावकारी रूपमा आवाज उठाएका थिए । कांग्रेस क्षेत्रीय प्रतिनिधिमा निर्विरोध चयन भएपछि जनताका समस्याका साथै विद्यार्थी तथा युवाको हकहितका विषयलाई प्राथमिकतामा राखेर काम गर्ने प्रतिबद्धता व्यक्त गरेका छन्।