ट्याक्टर दुर्घटनामा चालकको मृत्यु

अर्थ र बाणिज्य

- रमेश दवाडी KTM

उर्लाबारी (मोरङ), २३ मङ्सिर । मोरङको विराटनगर–५ स्थित भित्री सडकखण्डमा आज बिहान ट्याक्टर दुर्घटना हुँदा चालकको मृत्यु भएको छ ।

को१त ६४९२ नम्बरको ट्याक्टर आफैँ अनियन्त्रित भई दुर्घटना हुँदा त्यसका चालक सुनसरी रामगञ्च बेलगछिया–८ बस्ने ३० वर्षीय उमेश उराउको मृत्यु भएको हो ।

दुर्घटनामा परेर गम्भीर घाइते भएका उराउको कोसी अञ्चल अस्पताल विराटनगरमा उपचारका क्रममा बिहान ८ बजे मृत्यु भएको जिल्ला ट्राफिक प्रहरी कार्यालय मोरङका प्रमुख प्रहरी निरीक्षक धनप्रसाद शिवाकोटीले जानकारी दिनुभयो ।

जङ्गली हात्तीले घर भत्काउँदा रु एक लाखको क्षति

मोरङको लेटाङ–भोगटेनी नगरपालिका–७ कमलपुरमा गएराति जङ्गली हात्तीले एउटा घरमा क्षति पु¥याएको छ ।

जङ्गलबाट निस्केका दुई वटा हात्तीले स्थानीय शेरमान लिम्बूको टिन र काठले बनेको घर भत्काई घरभित्र राखिएको अन्नपात नष्ट गरेको हो । घर भत्किदा लिम्बूको अन्दाजी रु एक लाख मूल्य बराबरको क्षति भएको छ । हात्तीलाई प्रहरी र स्थानीयवासी मिलेर राति नै जङ्गलतिर लखेटेका छन् । रासस

Comments

प्रकाशित मिति : 2016-12-08

ट्याक्टर दुर्घटनामा चालकको मृत्यु

Comments

अरु समाचार