संविधान संशोधन विद्येयक काम का लाग्दैन : उपेन्द्र यादव

राजनीति

काठमाडौं १३ माघ । संघीय समाजवादी फोरम नेपालका अध्यक्ष उपेन्द्र यादवले संसदमा दर्ता भएको संविधान संशोधन विद्येयक काम नलाग्ने भएको टिप्पणी गरेका छन् ।

रिपोर्टर्स क्लब नेपालले आयोजना गरेको साक्षात्कारमा संघीय गठवन्धनका संयोजक यादवले भने, ‘संशोधन विद्येयक काम नलाग्ने छ, यो पारित गरेपनि वा नगरेपनि काम लाग्ने छैन, यसले समस्याको निकास दिँदैन ।’

उनले सबै राजनीतिक दलले एक अर्काको समस्या बुझेर समन्वयात्मक बाटो खोजेर मुलुकलाई निकास दिनुपर्नेमा जोड दिए । यादवले संविधान संशोधनले नै मुलुकले निकास पाउने भएकोले यसमा एमाले बाधक बन्न नहुने जिकिर गरे ।

फोरम अध्यक्ष यादवले स्थानीय तह पुनसंरचना आयोगले अघि सारेको प्रतिवेदन स्विकार्य नभएको बताए । उनले भने,’५२ प्रतिशत जनसख्या ओगटेको तराई मधेसमा मुस्किलले २५ प्रतिशत छ, यो न्यायोचित होइन, संरक्षित क्षेत्र, विशेष क्षेत्र र स्वायत्त क्षेत्रको पनि कुरै छैन, अनि कसरी चुनाव गराउने रु’

उनले सरकार र प्रमुख दलहरु स्थानीय तह कि निकायको चुनाव गर्ने भन्ने अन्यौलमा रहेको आरोप लगाए । यादवले थपे, ‘संविधानमा स्थानीय तहको निर्वाचन गर्ने व्यवस्था छ, निकाय पुरानो भइसक्यो, तहको गर्ने हो भने आयोगको प्रतिवेदन मन्त्रालयमा थन्किएर बसिरहेको छ र जताततै विरोध भइरहेको छ ।’