दुई दिन देखि बन्द बागलुङ फिर्ता

समाचार

बागलुङ, २६ जेठ । बिहीबारदेखि बन्द रहेको बागलुङ बजार शुक्रबार दिउँसोबाट खुलेको छ । बेपत्ता युवकको खोजीको माग गर्दै पीडित पक्षले बिहीबारदेखि बागलुङ बजार बन्द गराएका थिए । अवैध लागुऔषध बोकेको आरोपमा प्रहरीले पक्राउ गर्न खोज्दा भागेर बेपत्ता भएका बागलुङ नगरपालिका ३ का १७ वर्षीय सुनिल पुन नभेटिएपछि परिवार र आफन्तजनले आक्रोशित भएर बजार बन्द गराएका थिए ।

मङ्गलबार साँझ पर्वत बागलुङको सीमास्थल मालढुङ्गाबाट प्रहरीले नियन्त्रणमा लिन खोज्दा कालीगण्डकी नदीतिर भागेका पुन अझै बेपत्ता छन् । सत्यतथ्य छानबिन, बेपत्ताको खोजी र दोषीमाथि कारबाहीको लागि प्रशासनलाई जिम्मेवार हुन माग गर्दै बन्द फिर्ता लिइएको सङ्घर्ष समितिले जनाएको छ ।

समयमै माग पूरा नभए पुनः आन्दोलनमा जाने समितिका सदस्य नरेश कँडेलले बताए । बागलुङदेखि कुश्मा जाँदै गरेको ध १ ज ४१४ नंको ट्याक्सी चेकजाँच गर्दा लागुऔषधसहित भेटिएका पुनलाई पक्राउ गर्न खोज्दा उनी भागेको प्रहरीले जनाएको छ । पुनसँगै सवार अन्य दुई युवालाई भने प्रहरीले नियन्त्रणमा लिई अनुसन्धान गरिरहेको छ । रासस

Comments

प्रकाशित मिति : 2017-06-09

दुई दिन देखि बन्द बागलुङ फिर्ता

Comments

अरु समाचार