दाङमा गाउँपालिका अध्यक्षको घरबाट ४१ हजार रकमसहित ९ जुवाडे पक्राउ

प्रदेश

दाङ, २६ असोज । दाङमा प्रहरीले जुवा खेल्ने गिरोह माथी कार्वाहीलाई तिब्र बनाएको छ । चाडपर्ब नजिकिदै गर्दा रमाईलोका नाममा जुवाको धन्दा नै चलाउनेलाई दाङ प्रहरीले दैनिक जसो पक्राउ गर्दै आएको छ । दाङको शान्तीनगर गाउँपालिकाबाट ९ जना जुवाडे पक्राउ परेका छन् । प्रहरीले शान्तीनगर गाउपालीकाका अध्यक्ष कमानसिंह डागीको घरमा जुवा खेलिरहेका ९ जनालाई पक्राउ गरेको ईलाका प्रहरी कार्यालय तुलसीपुरले जनाएको छ ।

उनिहरुलाई जुवाको खालबाट १६ वटा कौडा र ४१ हजार २ सय ७० रुपैयाँ बरामद गरेको इलाका प्रहरी कार्यालय तुलसीपुरका प्रहरी नायब उपरिक्षक राजेन्द्रप्रसाद अर्यालले जानकारी दिएका छन । पक्राउ पर्नेहरुमा दाङ शान्तीनगर गाँउपालीका वडा नम्बर ५ धनौरी वस्ने ३३ बर्षीय गोविन्द वस्नेत, २८ बर्षीय राम चौधरी, २९ बर्षीय हर्क बहादुर विष्ट, २३ बर्षीय डील्ली बहादुर वली, ५० बर्षीय विर बहादुर विष्ट, ३४ बर्षीय भिम बहादुर खड्का, ३४ बर्षीय कर्ण बहादुर परीयार, ५५ बर्षीय रत्न बहादुर विष्ट र ३९ बर्षीय फर्साराम डागि रहेका छन ।

वेश्यावृत्तिको आरोपमा चार जोडी पक्राउ
यसैगरी बेश्यावृति गरेको आरोपमा दाङमा ८ जना यूवायूवती पक्राउ परेका छन । तुलसीपुर उपमहानगरपालीका वडा नम्बर ५ रानीजरुवा स्थित हिमा चन्दको घरमा अवैध रुपमा बेश्याबृती तथा बेश्यागमन भैरहेको भन्ने सुचनाका आधारमा प्रहरीले उनिहरुलाई पक्राउ गरेको हो ।

निज हिमा चन्दको घरबाट ४ युवती र घर धनि हेमा चन्दसहित ४ जना यूवतीलाई पक्राउ गरी मानव बेच बिखन तथा ओसार पसार नियन्त्रण ऐन अन्तरगत आवश्यक अनुसन्धान भई रहेको ईलाका प्रहरी कार्यालय तुलसीपुरका डिएसपि राजेन्द्र प्रसाद अर्यालले जानकारी दिए ।