ताजा समाचार

सर्वेन्द्र खनालकाे नयाँ नियम: उपत्यकामा गुड्ने स्कूल बसका चालकको ड्रेस अनिवार्य

प्रदेश
-
       

काठमाडौं, ९ कात्तिक । काठमाडौं उपत्यकामा आगामी मंसिर १ गतेबाट नयाँ नियम लागू हुने भएको छ । महानगरीय ट्राफिक प्रहरी महाशाखाले मंसिर १ गतेबाट काठमाडौं उपत्यकामा गुड्ने स्कूल बसका चालक र सहचालकले अनिवार्य ड्रेस लगाउनुपर्ने व्यवस्था गरेको हो ।

महाशाखा प्रमुख डीआईजी सर्वेन्द्र खनालले उपत्यकाको ट्राफिक व्यवस्थापन गर्न यस्तो व्यवस्था गरिएको बताए । मंसिर १ गतेबाट उपत्यकामा चल्ने स्कूल बसका चालक र सहचालकले गाडा निलो रङको पोशाक लगाउनुपर्ने हुन्छ । प्याब्सन, एनप्याब्सन, हिसान, अभिभावक संघ लगायतका विद्यालयसँग सम्बन्धित विभिन्न संघसंस्थाको सहकार्यमा यस्तो व्यवस्था गर्न लागिएको डीआईजी खनालको भनाई छ ।

सबै स्कूल बसको रङ पनि एउटै हुनुपर्नेछ । स्कूल बसलाई अब पहेला रङले मात्र रङ्ग्याउनुपर्नेछ । मंसिर १ गतेबाट स्कूल बसले पहेलो रङ लगाएर नचलाए कारबाही गरिने खनालको भनाई छ ।

Comments

प्रकाशित मिति : 2017-10-26

अरु समाचार

© NewsNepal 2018 - All Right Reserved.
newsnepal.com 2017.hlon.org