शेरधन राईमाथि यसरी बम प्रहार भयो, नयाँं जीवन पाएको प्रतिक्रिया

प्रदेश

काठमाडौं, २८ कात्तिक । पूर्वसूचना तथा सञ्चारमन्त्री तथा नेकपा एमाले नेता शेरधन राई चढेको गाडिमा बम प्रहार भयो । मंगलबार बिहानको दश बज्दै गर्दा एका/एक राई चढेको गाडिमाथि बम प्रहार भयो । भोजपुर प्रदेशसभाका उम्मेद्वार रहेका राईलाई लक्षित गरी बम आक्रमण भयो । आक्रमणबाट राईका अंगरक्षक घाइते भएका छन् ।

ट्याम्के मैयुमा आयोजना गरेको चुनावी सभामा सहभागि हुनका लागि त्यसतर्फ जाँंदै थिए । राई चढेको गाडिमा एक प्रहरी सहायक निरीक्षकसहित नौ जना सवार थिए । ट्यम्केमैयु गाविसको वडा नम्बर ६ मा जाँदै गर्दा अचानक अगाडि तर्फ ठुलो बिष्फोट भयो । गाडिको सिसा पनि फुट्यो ।

राईको सुरक्षामा खटिएका प्रहरी सहायक निरीक्षक डिल्लि देवकोटा घाइते भए । बिष्फोट लगतै सुरक्षामा खटिएका असईले हवाई फायर गरेका थिए । घटनापछि राईले भने, ‘अलि माथिबाट पाँंचजना मान्छे भागेका देख्यौ। त्यसपछि हामीले गाडिलाई अलि पछाडि फर्कायौ। म माथि लक्षित गरी किन यसरी आक्रमण भयो म आफै आश्चर्यमा परेको छु ।’

आफ्ना जित लगभग पक्का भईरहेको अवस्थामा आक्रमण भएको उनको प्रतिक्रिया छ । उनले भने, ‘मेरो जित लगभग पक्का जस्तै छ । जीतपछि प्रदेश १ को मुख्य मन्त्री बन्ने कुरा पनि पक्का जस्तै छ। यस्तो अबस्थामा मलाई मुख्यमन्त्रीबाट रोक्न सकिन्छ भनेर पनि यो आक्रमण भएको हो। यो घटनाको जति निन्दा गरेपनि पुग्दैन । तर हामी नौ जनाले झण्डै मृत्युवरण गर्नुपरेको थियो । अहिले नयाँं जीवन पाएको महसुस गरेको छु ।’