सभ्यताको पराकाष्ठः स्थानीय तहको निर्वाचनबाट पाठ सिकेर मतगणनास्थलको व्यवस्थापन यसरी

प्रदेश

काठमाडौं, २० मंसिर । स्थानीय निर्वाचनको मतगणनाबाट पाठ सिकेर प्रदेश र प्रतिनिधिसभाको मतगणना स्थल निकै मजबुद गरि व्यवस्थापन गरिएको छ । पहिलो चरणको स्थानीय तह निर्वाचनबाट पाठ सिकेर बिहीबार हुने प्रदेश र प्रतिनिधिसभा चुनावको मतगणनास्थल निकै व्यवस्थापन गरिएको हो ।

बिहीबार बेलुका ५ बजे मतदान सकिएलगत्तै मतगणनाको कार्य सुरु गर्नेगरी सम्बन्धित जिल्ला निर्वाचन कार्यालयले व्यवस्थापन गरिरहेका छन् । बेलुका पाँचबजे देखि पहिलो चरणको निर्वाचन भएका जिल्लामा मतगणना गरिनेछ । दोस्रो चरणको मतगणना भने मतपेटिकाहरु सदरमुकाम पु¥याईएपछि मात्रै गणना गरिने निर्वाचन आयोगले जनाएको छ ।

मतगणनास्थलमा यति सम्मको व्यवस्थापन गरिएको छ कि दलका प्रतिनिधिहरुले मतपेटिका छुन त के भित्र समेत प्रवेश गर्न पाउनेछैनन् । काठमाडौं उपत्यकाका सबै जिल्लाहरुमा समेत मतगणना स्थलमा तारजाली र सीसी क्यामेरा जडान गरिएको छ ।

काठमाडौंको १० निर्वाचन क्षेत्रको मतगणना पाँच स्थानमा हुँदैछ । भरतपुरमा मतगणना स्थलमै रहेको दलका प्रतिनिधिले मतपत्र च्यातेका थिए । मतगणनास्थलमा सुरक्षा व्यवस्था कडा पारिएका छन् । पहिलो चरणको निर्वाचन सम्पन्न भएका जिल्लाहरुमा मतगणनास्थलको व्यवस्थापन सकिएको छ भने दोस्रो चरणको निर्वाचन हुन बाँकि रहेका जिल्लामा पनि तयारी भईरहेको छ ।

मतगणना स्थलमा कर्मचारी बाहेक अरुलाई प्रवेश नदिइने भएको छ । गणना स्थलमा ग्याबिन बनाउन प्रयोग गरिने तारको जाली लगाइएको छ । यसबाहेक एउटा मतगणना स्थलमा कम्तीमा दुई वटा सीसी क्यामेरा राखिएको छ । निर्वाचन आयोगले एउटा मतगणना स्थल बनाउन ४० हजार रुपैयाँ खर्च बिनियोजन गरेको छ । उक्त खर्चबाट तार, नरको डोरी, फलाम, ओछ्याउने म्याट, कार्पेट लगायतकोखर्च पुर्‍याउनु पर्नेहुन्छ ।