म माथीको हमला पृथक खालको हो, नाफाको जिन्दगी भएकाले मुलुकका लागि गद्दारी गर्ने छैन: निरु पाल

बागमती प्रदेश

काठमाडाैं १७, साउन । प्रतिनीधि सभा सदस्य तथा संसदिय सुनुवाई समिति सदस्य निरुदेवी पालले संसदको विषेश समयमा बोल्दै आफूमाथी घटेको घटना पृथक खालको भएको जनाएकी छन् ।

उनले संसदमा बोल्दै यस्ता खाले घटनाले सरकार नडगमगाउने भन्दै आक्रोस व्यक्त गरेकी छन् । साँझको ८ बजे चिया खान मन लागेपछि दुध किन्न गएकी पाललाई पसलबाट फर्कदै गर्दा अपरिचित मान्छेले घाटीँ पेस्तोल तेर्स्याएर सुनुवाई समितिको बैठकमा गइस भने तेरो बाउ ‘खड्केले’ (प्रधानमन्त्री आोली) समेत लास नभट्ने गरि गाएब गराउछु भनेर आफ्नो मोबाईल खोसेर लगेको जनाएकी छन् ।

घरबाट निस्कने बाटोको सानो गलल्लीमा एकजना मान्छे रेनकोट लगायर उभिएको र आफूले ध्यान नदिएको भन्दै गल्लीमा ३/४ वटा मोटरसाईकल र ३/४ जना मानिसहरु पर्खालतिर कानेखुसी गरिरहेको जनाइन । एउटा पसलमा दुध नपाइएकाले अर्को पसलबाट दुध लिएर आउँदा उक्त घटना घटेको जानकारी गराएकी छन् । घाटीँमा अहिले पनि निलडाम भएको र दुखिरहेको बताएकी छन् ।

नेपालमा आम नारीको अधिकार र सुरक्षाको नारा सडक देखि सदनसम्म गुञ्जयमान गराइरहदा आफूमाथी नै हमला हुनुले आफू चिन्तित भएको जनाएकी छन् ।

पालले आक्रोशित हुँदै भनिन्, प्रधानमन्त्री ओली र राष्ट्रपति बिद्यादेवी भण्डारी नभएको भए निरु पाल २०१४ मै मरि सकेको मान्छे हो यसकारण आफूले नाफाको जिन्दगी जिइरहेकाले देश र राष्ट्रका लागि गद्दारी गर्ने छैन भनेर कसम खाएको मान्छे यस्ता घटनाले झन शसक्त बनाउने कुराको सरकारलाई सभामुख मार्फत जानकारी गराएकी हुन् ।