सरकारको दुई तिहाईको दम्भले मुलुक नै दुर्घटनाको संघारमा : कोइराला

बागमती प्रदेश

काठमाडाैँ १७,असोज । कांग्रेस नेता डा. शेखर कोइरालाले कम्युनिस्टहरुमा पलाएको दुई तिहाईको दम्भले मुलुक दुर्घटनाको संघारमा पुगेको बताएका छन्।

कोइरालाले राज्यका सबै निकायमा कम्युनिस्टहरूले कब्जा जमाएर अराजकता मच्चाएको बताए। डा. कोइरालाले नेपाली सेना मात्रै राजनीतिक हस्तक्षेप हुनबाट बचेको बताउँदै सेनामाथि राजनीति नगर्न सरकारलाई चेतावनी दिए ।

गण्डक-टोखा प्रजातान्त्रिक समाज नेपालले राजधानीमा आयोजना गरेको शुभकामना आदान(प्रदान कार्यक्रमलाई सम्बोधन गर्दै डा कोइरालाले निर्मला पन्तको मुद्दामा प्रहरी प्रशासन निरिह बनेको बताए। संगठनका बारेमा कुरा गर्दैडा कोईरालाले पार्टीलाई संकट र अप्ठ्यारो परेको समयमा पार्टीका बिरुद्ध लाग्ने जुनसुकै तहका भएपनि त्यस्ता व्यक्तिलाई पार्टीबाट निष्काशन गर्नुपर्ने बताए ।

कार्यक्रममा सांसद भिमसेनदास प्रधान, पुर्व सांसदहरु डा. शोभाकर पराजुली, डा. रामचन्द्र अधिकारी, रामबहादुर गुरुङ लगायतले मन्तब्य राखेका थिए ।