फोटो पत्रकार पक्राउ परेकोमा प्रधानमन्त्रीका प्रेस सल्लाहकार खुसी, पत्रकारमाथि दुर्व्यवहारको यसरी गरे ढाकछोप

काठमाडौँ । फोटो पत्रकार पक्राउ परेकोमा प्रधानमन्त्रीका प्रेस सल्लाहकार कुन्दन अर्यालले खुसी भएको आशय व्यक्त गर्दे ट्वीट गरेका छन् । देश सञ्चार अनलाइन पत्रिकाकी फाटो पत्रकार  बर्षा शाहलाई बिहीबार फोटो खिचेकै कारण प्रहरीले पक्राउ गरेको घटनालाई लिएर प्रधानमन्त्री केपी शर्मा ओलीका प्रेस सल्लाहकार कुन्दन अर्यालले सो आशयको ट्वीट गरेका हुन् । उनले अफवाह मात्रै रहेको दाबी गर्दे पत्रकार गिरफ्तारीको समर्थन गरेका छन् ।

घटनाका सम्बन्धमा पक्राउ गर्ने प्रहरीका डिएसपीले गल्ती भयो भनेर मौखिक रूपमा माफी मागे पनि प्रधानमन्त्रीका प्रेस सल्लाहकार अर्यालले भने घटनालाई अफवाहको रुपमा फैलाउन खोजिएको बताएका हुन् । प्रहरी प्रशासनले गल्ती स्वीकार गरे पनि कुनै समय आफू पनि पत्रकार रहेका अर्यालले भने घटना स्वीकार गर्नुको साटो उल्टै पत्रकारमाथि नै प्रश्न गर्ने खालको ट्वीट गरेका हुन् ।

उनले ट्वीटमा लेखेका छन्, ‘अफवाह नफैलाउँ । समय नै नलिइ राष्ट्रपति कार्यालयमा ज्ञापनपत्र बुझाएरै छाड्ने ढिपी गर्नेलाई अरु देशमा के गरिन्छ रु कानुन बमोजिम तोकिएको निषेधित क्षेत्रमा खेलौना कार राखेर तस्बिर उतार्ने छवीकारलाई सुरक्षाकर्मीले सलाम गर्दैनन्, सोधखोज गर्न केहीबेर रोक्छन् ।’

हेर्नुहोस् प्रधानमन्त्रीका प्रेस सल्लाहकार कुन्दन अर्यालको ट्वीट

अफवाह नफैलाऔं। समय नै नलिइ राष्ट्रपति कार्यालमा ज्ञापनपत्र बुझाएरै छाडने ढिपी गर्नेलाई अरु देशमा के गरिन्छ?कानुनवमोजिम तोकिएको निषेधित क्षेत्रमा खेलौना कार राखेर तस्वीर उतार्ने छविकारलाई सुरक्षाकर्मीले सलाम गर्दैनन, सोधखोज गर्न केहीबेर रोक्छन।# responsible journalism

— Kundan Aryal (@TheRealKalamchi) December 14, 2018

Comments