हेर्नुहोस्, आजका विविध आठ तस्बिरहरू

समाचार

बागलुङको ताराखोलाका किशानले उत्पादन गरेका मुलाबाट बनाइएको धजरा । हिउँदको समयमा बनाइएको मुलाको धजारा स्थानीयले तरकारी र अचारका लागि १२ महिना प्रयोग गर्ने गरेका छन् ।

बागलुङ नगरपालिका–४ ओढारचौरका स्थानीयबासी कृषक कृष्ण प्रसाद पौडेलले सञ्चालन गरेको भैसी फर्म । दैनिक दूध १७५ लिटर सम्म उत्पादन हुने गर्दछ ।

सिन्धुपाल्चोक जिल्लामा यही २०७५ पुस १५, १६, र १७ गते हुने जलवायु परिवर्तनसम्बन्धी राष्ट्रिय सम्मेलनस्थलको प्रमुख जिल्ला अधिकारी कृष्णप्रसाद अधिकारी र प्रहरी उपरीक्षक मुकुन्द मरासिनी जिल्ला सम्मन्वय समितिका प्रमुख कृष्ण गोपाल तामाङलगायत गुफाडाँडाको अवलोकनमा ।

बागलुङ नगरपालिका–४ ओढारचौरका स्थानीयबासी कृषक कृष्ण प्रसाद पौडेलले सञ्चालन गरेको गाई फर्म । फर्मबाट ३५० लिटर दैनिक दूध उत्पादन हुने गर्दछ ।

राष्ट्रिय विधि विज्ञान प्रयोगशालाको ३२औँ वार्षिक दिवसको अवसरमा मङ्गलबार प्रयोगशालाको प्राङ्गणमा आयोजित कार्यक्रममा सहभागी विज्ञान तथा प्रविधि सचिव कृष्णराज वि सी लगायत ।

तनहुँको व्यास नगरपालिका–१ भादगाउँ स्थित लर्ड बुद्ध एकेडेमी बोर्डिङ स्कूलमा अध्ययनरत विद्यार्थीहरु अत्याधिक चिसो बढेपछि स्कुलको प्राङ्गणमा आगो ताप्दै ।

पाल्पाको रामपुर नगरपालिका– ७ बहखोलाचोकका स्थानीयबासी कृषक सुकदेव न्यौपानेले पाँच रोपनी जग्गामा लगाइएको काउली खेती । काउली खेतीबाट मनग्य आम्दानी हुने बताउँछन ।

तनहुँ बन्दीपुर गाउँपालिका–५ स्थित त्रिभुवन आधारभूत विद्यालयका विद्यार्थीलाई शैक्षिक सामाग्री वितरण गर्दै युनियन लाइफ इन्सुरेन्स तनहुँका शाखा प्रमुख राजकुमार श्रेष्ठ ।

तस्वीर : रासस