‘चीन र भारत साम्राज्यवादी देश हुन वा होईनन् ?’ हुन भने कसरी ? होइनन् भने कसरी ? कारण यस्तो छ

काठमाडौँ । नेपाल कम्युनिष्ट पार्टी (मसाल) केन्द्रिय कार्यालयद्वारा लिखित ‘चीन र भारत साम्राज्यवादी देश हुन वा होईनन् ?’ भन्ने पुस्तकको विमोचन गरिएको छ । राजधानीमा आयोजित एक कार्यक्रमकाबीचसो पुस्तकको बिमोचन गरिएको हो ।
कार्यक्रममा पार्टीका प्रवक्ता रामप्रकाश पुरीले अहिले भारत र चीनमा एकाधिकार पुँजीको विकासका कारण यी दुवै देश साम्राज्यवादी भएको र विश्व एकाधिकार पूँजीजीको वरिपरि घुमिराखेको अवस्थामा पूँजीको विकसित रूप नै साम्राज्यवाद रहेकोे बताएका छन् ।
उनले भने,‘आउँदै गरेको पार्टीको महाधिवेशनको बिषय बस्तुपनि यिनै कुराहरूमा आधारित रहेकोले यो पुस्तक प्रकाशन गरिएको हो ।’
तेस्रो मुलुकका देशहरू अति विपन्न र विकासोन्मुख देशमाथि पूँजीवादी देशहरूले विभिन्न किसिमका उपनिवेश कायम गर्नको लागि पूँजीको उपयोग गर्ने गर्दछन् भन्दै उनले थपे–‘भारत विस्तारबादी देशभन्दा बाहिर आएर उदारबादी बनेको छ, अबको समाजबाद युद्ध, हतियारले नभएर आर्थिक र वैज्ञानिक विकासले अगाडी बढ्छ ।’
कार्यक्रममा बोल्दै राष्ट्रिय जनमोर्चाका महासचिव जनकराज शर्माले उक्त पुस्तकमाथि आफ्नो धारणा राख्दै भारत एकाधिकार पूँजीमार्फत् विश्वमा आफ्नो बित्त अधिकार कायम गर्न लागिरहेको टिप्पणी गरे ।
अहिले अमेरिकी सम्राज्यवादको विश्वमा खतरा रहेको बताउँदै उनले भने,‘ विस्तारवाद भारतको चरित्र रहेको थियोे भने अहिले साम्राज्यवादतर्फ उन्मुख भैरहेको छ ।’
चीन विश्वका तेश्रोे महाशक्ति रहेको बताउँदै शर्माले भारतपनि आफ्नो पँुजी विकास गर्दै एशियामा नै आफ्नो प्रभाव जमाउन सक्ने भैसकेको बताए ।
कार्यक्रममा राष्ट्रिय जनमोर्चाका नेता जगतप्रसाद रेग्मीले चीन र भारत दुईवटै साम्राज्यवादी मुलुक भएपनि एउटै प्रकृतिले हेर्न नहुने धारणा राखे ।
उनले भने,‘चीनको तुलनामा भारतीय साम्राज्यवाद नेपाल र नेपालीको लागि धेरै खतरा रहेको र नेपाली क्रान्तिको प्रमुख दुश्मन शक्ति रहेको छ, यद्धपी अन्य साम्राज्यवादी शक्तिलाईपनि कमजोर सोच्न मिल्दैन ।’

Comments