चन्द्रागिरीमा बुटिक होटल निर्माण अन्तिम चरणमा, यि हुन् होटलमा पाइने सुविधा (फोटोफिचरसहित)

समाचार

- रमेश दवाडी/न्युज–नेपाल

काठमाडौँ । चन्द्रागिरीमा निर्माण भइरहेको पाँचतारे होटलको निर्माण कार्य तीव्र गतिमा अगाडि बढेको छ । एक वर्षभित्र सञ्चालनमा ल्याइसक्ने गरी चन्द्रागिरी हिल्स लिमिटेडले होटलको निर्माण गरिरहेको हो । बुटिक होटलको अवधारणा अनुसार निर्माणको काम भइरहेको चन्द्रगिरी हिल्स लिमिटेडका सेल्स एण्ड मार्केटिङ्ग म्यानेजर अभिशेक विक्रम शाहले न्युज–नेपाललाई जानकारी दिए । उनले भने,‘यो नेपालकै नमुना होटल बन्नेछ ।’ होटललाई सकभर छिटो संचालनमा ल्याउने गरी निर्माण कार्य अघि बढाइएको छ ।’

होटलको आकर्षण

होटलको बाहिरी बनावटदेखि भित्री भागसमेत ऐतिहासिक झझल्को दिने काष्ठकलाको प्रयोग हुनेछ । होटलको बाहिरी भागमा मन्दिरको जस्तै टुँडाल र भित्रीभागमा ऐतिहासिक तथा पुरातात्त्वहिक चित्र कुँदिएका हुनेछन् । जुन होटलको मुख्य आकर्षण बन्ने निर्माण कम्पनीको भनाइ छ । म्यानेजर शाहाले होटल ऐतिहासिक बन्ने बताए । उनले भने, ‘ऐतिहासिक महत्त्व बोकेको चन्द्रगिरी डाँडामा होटल पनि ऐतिहासिक नै बन्नेछ,’ उनले थपे, ‘जसले विदेशी तथा स्वदेशी पर्यटकलाई आकर्षित गर्ने छ ।’

ऐतिहासिक महत्त्व

तत्कालिक समयमा गोरखाका राजा पृथ्वीनारायण शाहले सोही स्थानबाट काठमाडौंमाथि आँखालगाई विजय प्राप्त गरेका कारण सो स्थानमा उनकै (गोरखा दरबार) दरवरजस्तो होटल निर्माण गर्न लागिएको हो । त्यसैले गोरखा दरबारको डिजाइनमा होटल बनिरहेको छ । सो स्थान र राजा पृथ्वीनारायण शाहबीच ऐतिहासिक महतत्त्व जोडिएका कारण होटल पनि गोरखा दरबारकै डिजाइन बनाइएको हो ।

खर्च

१ अर्ब २५ करोड लागत होटल निर्माणको खर्च १ अर्ब २५ करोड रुपैयाँ अनुमान गरिएको छ । चन्द्रगिरी हिल्सले यसै स्थान आसपासमा ३ अर्ब ५० करोडको लागतमा मेगा प्रोजेक्ट बनाइरहेकोमा होटल निर्माणका लागि मात्र सो रकम छुट्याइएको हो ।

सुविधा

विदेशी पर्यटकलाई लक्षित गरी निर्माण गरिएको होटलमा एकसय बेडरुम हुेनछन् । डिलक्स रुम पनि हुने । चन्द्रागिरी हिल्सले सो स्थानमा केवलकार, भ्यू टावर, रेष्टुराँ, फनपार्क, सेमिनार हलनिर्माण सम्पन्न गरिसकेको छ । होटलसम्म थानकोटबाट गल्फकार्ड (बग्गी जस्तो विद्युतिय गाडी) र केवलकारबाट पुग्न सकिने छ । अहिले त्यहाँ पुग्न केवलकारको प्रयोग भइरहेको छ । होटल संचालनमा आएसँगै गल्फकार्ड समेत संचालनमा ल्याइने म्यानेजर शाहले जानकारी दिए । होटलमा एकसय वटा बेडरुम हुनेछन् भने २ वटा रेष्टुराँ र स्वीमिङपुल रहनेछ । यस्तै २ वटा टेनिसकोर्ट, २ वटा हेलिप्याट ल्याण्ड गर्ने ठाउँ र ३ वटा कन्फ्रेन्स हल हुनेछ । सो रिसोर्टको सबै कोठाबाट वरिपरिको स्थानको अवलोकन गर्नु सकिनुका साथै हिमालको समेत दृश्यवलोकन गर्न सकिनेछ ।