ताजा समाचार

धनुषामा जन्ती बोकेको बसमा करेन्ट लाग्दा ९ जनाको मृत्यु

समाचार
-
       

धनुषामा जन्ती बोकेको बसमा करेन्ट लाग्दा ९ जनाको घटनास्थलमै मृत्यु भएको छ। धनुषाको सबैला नगरपालिकास्थित बल्टिया कोठियामा ११ हजार भोल्ट विद्युत प्रवाह भइरहेको तारमा ना५ख १७५२ नम्बरको जन्ती बोकेको बसले छुँदा सो दुर्घटना भएको धनुषा प्रहरीले जनाएको छ ।

घटनामा परी बसमा सवार ९ जना जन्तीको घटनास्थलमै मृत्यु भएको हो। मृत्यु हुनेहरुको सनाखत हुन बाँकी रहेको पनि प्रहरीले बताएको छ।

सिरहाको कमलाखोरबाट धनुषाको बल्टिया कोठियामा जन्ती बोकेर आउँदै गरेको बसमा ११ हजार भोल्टको तारले छोएपछि बसभरि नै करेन्ट प्रवाह भएको थियो।

बसमा सवारमध्ये अन्य जन्तीहरुको अवस्था भने गम्भीर रहेको प्रहरीले जनाएको छ। घटनाबारे विस्तृत विवरण आउन बाँकी छ।

Comments

प्रकाशित मिति : 2019-01-25

अरु समाचार

© NewsNepal 2018 - All Right Reserved.
newsnepal.com 2017.hlon.org