ताजा समाचार

वनमन्त्री शक्ति बस्नेतकी भतिजीले किन गरिन आत्महत्या ?

समाचार
-
       

ललितपुर । वन तथा वातावरणमन्त्री शक्ति बस्नेतकी भतिजीले आत्महत्या गरेकी छिन् । ललितपुरको बालकुमारी स्थित वेस्टार अपार्टमेन्टमा बस्दै आएकी भतिजी बबिता बस्नेतले आत्महत्या गरेको महानगरीय प्रहरी परिसर ललितपुरले जनाएको छ ।

एसएसपी रवीन्द्र धानुकका अनुसार वेस्टार अपार्टमेन्टको उनी बस्ने फ्ल्याटमा सलको पासो लगाएर आत्महत्या गरेको अवस्थामा शव फेला परेको हो ।

आइतबार बिहान १० बजेसम्म नउठेपछि बबिताकी नन्दले ढोका ढकढक्याउँदा नखुलेपछि प्रहरीलाई खबर गरेकी थिइन् । त्यसपछि पुगेको ललितपुर प्रहरीको टोलीले ढोका फोरेर हेर्दा पासो लगाएको अवस्थामा मृत शरीर फेला परेको थियो ।

प्रहरीले घटना संकास्पद रहेको भन्दै अनुसन्धान थालेको छ । मृतक बबिता ऊर्जामन्त्री वर्षमान पुनका प्रेस सहयोगी रोशन खड्काकी श्रीमती हुन् भने बनमन्त्री बस्नेतकी दाइको छोरी हुन् ।

Comments

प्रकाशित मिति : 2019-02-03

अरु समाचार

© NewsNepal 2018 - All Right Reserved.
newsnepal.com 2017.hlon.org