ताजा समाचार

समाज कल्याण परिषद्का पदाधिकारी बर्खास्त

समाचार
-
       

काठमाडौंं ।

सरकारले समाज कल्याण परिषद्का पदाधिकारीहरुलाई बर्खास्त गरेको छ । फागुन ३ गतेको मन्त्रिपरीषद् बैठकले परिषदका उपाध्यक्ष निलमणि बराल, कोषाध्यक्ष वीरबहादुर ठगुन्ना र सदस्यहरु राजेन्द्र कुमार पौडेल, डिल्ली प्रसाद भट्ट र गोकर्ण भट्टलाई बर्खास्त गर्ने निर्णय गरेको सरकारका प्रवक्ता गोकुल बास्कोटाले बताए ।

बिहीबार मन्त्रालयमा भएको नियमित पत्रकार सम्मेलनमा मन्त्री बास्कोटाले उनीहरुले बद्नीयतपूर्ण र कानुनविपरित काम गरेको पाइएकाले पदमुक्त गरिएको जानकारी दिए ।

साथै बैठकले परिषदमा भएको आर्थिक प्रशासनिकलगायतका अनियमितताका सम्बन्धमा प्रचलित कानुनबमोजिम कारवाही गर्न छानविन समितिको प्रतिवेदन अख्तियार दुरुपयोग अनुसन्धानमा पठाउने निर्णय गरेको छ ।

Comments

प्रकाशित मिति : 2019-02-21

अरु समाचार

© NewsNepal 2018 - All Right Reserved.
newsnepal.com 2017.hlon.org