भारतले सार्वजनिक गरेको नक्सा सच्याइनुपर्छः प्रचण्ड

नाकाबन्दीको कडा विरोध गरेका प्रम ओली भारतले सीमा मिच्दा माैन किन ?

राजनीति

काठमाडाैं । नेपाल भारत सीमा विवाद भएको लामो समय भएपनि भारतले सार्वजनिक गरेको नक्सामा नेपालको कालापानी लगायतका क्षेत्रहरु भारतको नक्सामा पारेपछि आम रुपमा नागरिक आक्रोसित बनेका छन् ।

सर्वसाधारण जनताले ‘गो ब्याक इण्डिया’ भन्दै विरोध सुरु गरेपनि नेपाल सरकारले यसबारे आधिकारीक रुपमा धारण सार्वजनिक गर्न सकेको छैन् ।

भारतीय हस्तक्षेपकाविरुद्ध डटेर लड्न नागरिकहरु तयार भएको भन्दै विभिन्न माध्यमबाट आक्रोस व्यक्त गरिरहँदा भने नेपाल कम्युनिष्ट पार्टी (नेकफा)का अध्यक्ष प्रचण्डले दाङमा आयोजित एक कार्यक्रममा भारतले गरेको निर्णय सच्याउन पहल गर्ने जनाएका छन् ।

सरकारले भने आधिकारीक धारण सार्वजनिक नगर्दा नाकाबन्दीको बेला प्रधानमन्त्री केपी शर्मा ओलीले देखाएको राष्ट्रवादको कुरा समेत झिक्न थालिएको छ ।

प्रधानमन्त्री ओलीले भारतीय नाकाबन्दीकोबारेमा खुलेर विरोध मात्रै गरेनन् । नाकाबन्दी अन्त्य नगरेसम्म भारत भ्रमणसमेत नगर्ने भनेर सार्वजनिक रुपमै बोलेपछि नेकपालाई निर्वाचनमा सहज जीत निकाल्न सजिलो भएको थियो ।

नेपाली कांग्रेसले भारतीय नाकाबन्दीकोबारेमा बोल्न नसक्दा ठूलो हार बेहोरेको निष्कर्ष निकालेपनि सीमा मिचिँदा समेत कांग्रेसको आधिकरीक धारण सार्वजनिक हुन सकेको छैन् ।

तर, नेकपाका अध्यक्ष प्रचण्डले भने भारतले सार्वजनिक गरेको सीमाना अमान्य रहेको भन्दै सच्याइनुपर्ने धारणा सार्वजनिक गरेका हुन् । तर, राष्ट्रवादी छवी बनाएका प्रधानमन्त्री ओलीले यसबारे नबोल्दा नागरिक स्तरमा भने आक्रोस बढ्दै गएको छ ।

भारतले सार्वजनिक गरेको उसको नयाँ नक्सामा नेपालको कालापानी, लिपुलेक आफ्नो भूभागमा राखेको भेटिएको हो । करिब ६ दशकदेखि कालापानी र लिपुलेक कब्जा गरेको भारतले भारतले नेपाली भूभाग आफ्नो नक्सामा राखेको हो ।