अनेरास्ववियूू रुकुम पूर्वले पूर्णता पायो, यस्तो छ स्थानिय तहसम्मको कार्यविभाजन

राजनीति

- न्युज-नेपाल

रुकुुुम । अखिल नेपाल राष्ट्रिय स्वतन्त्र विद्यार्थी यूनियन अनेरास्ववियु रुकुम पूर्वले जिल्ला कमिटिका सदस्यहरुको कार्यक्षेत्र विभाजन गरेको छ । नव गठित कमिटिको पहिलो बैठकले जिल्ला कमिटिका सदस्यहरुको कार्यक्षेत्र विभाजन गर्नुका साथै कमान्ड, निर्वाचन क्षेत्र र पालिका स्तरमा इन्चार्ज सह–इन्चार्ज, संयोजक र सह–संयोजकको पनि टुंगो लगाएको छ ।

जस अनुसार पुथा उत्तरगंगा गाउँपालिकामा तिकलराज रसाइली, भुमे गाउँपालिकामा बेदना बुढामगर र सिस्ने गाउँपालिकामा मदन रावलाई कमान्ड इन्चार्जको जिम्मेवारी दिइएको जिल्ला कमिटि संयोजक रेवन खड्काले बताउनुभयो । निर्वाचन क्षेत्र संयोजक र सह–संयोजक पनि तोकिएको उहाँले बताउनुभयो ।

निर्वाचन क्षेत्र प्रदेश क मा चन्द्र रसाइली संयोजक, विरस रसायलीलाई सह–संयोजकको जिम्मेवारी तोकिएको छ भने प्रदेश ख मा प्रेम बहादुर खत्रीलाई संयोजक र पुजन महतरालाई सह–संयोजकको जिम्मावारी दिइएको छ । जिल्लाका तिन वटै पालिकामा इन्चार्ज, सह–इन्चार्ज, संयोजक र सह–संयोजकको पनि टुंगो लगाइएको छ । सिस्ने गाउँपालिका इन्चार्ज डिकेन्द्र शाह, सह–इन्चार्ज सृजना खड्का, संयोजक सुजन रावल र सह–संयोजकमा उषा थापालाई निर्वाचित गरिएको छ ।

यस्तै भुमे गाउँपालिका इन्चार्ज रतन बुढा, सह–इन्चार्ज सरिता पुन, संयोजक रुपक कामी र सह–संयोजकमा आशा विकलाई चयन गरिएको अनेरास्ववियु जिल्ला कमिटिले जनाएको छ । पुथा उत्तरगंगा गाउँपालिकामा युविक विकलाई इन्चार्जको जिम्मेवारी तोकिएको छ भने सह–इन्चार्जको जिम्मेवारी करिस्मा समाललाई दिइएको छ । त्यहाँ रमेश विक संयोजक र पारक रोका सह–संयोजकमा चयन हुनु भएको छ ।

अहिले पहिलो बैठबाट जिल्ला कमिटि, कमाण्ड विभाजन, निर्बाचन क्षेत्र, गाउँपालिका तहमा नेतृत्वको जिम्मेवारीको टुंगो लगाइएको र अव यी कमिटिहरु गठनलाई पूर्णता दिने तयारी गरिएको छ । जसका लागी जिम्मेवारी तोकिएकाहरुलाई सम्बन्धित पालिकामा संगठन विस्तारका लागी पठाइएको छ ।

जिल्ला कमिटि सँयोजक रेवन खड्काको अध्यक्षतामा बसेको पहिलो बैठकमा नेकपा जिल्ला कमिटि सदस्य तथा अनेरास्ववियू रुकुम पूर्वका फ्याक्सन सह–इन्चार्ज जीवन के.सी.अनेरास्ववियू केन्द्रिय सदस्य रुपेन्द्र मल्ल लगाएतको उपस्थिति रहेको थियो ।।