नेपाल पेमेन्ट सोलुसन्स र प्रभु मनी ट्रान्सफरबीच वालेट ट्रान्सफर सम्झौतामा हस्ताक्षर

काठमाडाै, २५ भदौ ।   नेपाल पेमेन्ट सोलुसन्स् प्रालिले केहि दिन अघि सिटी एक्सप्रेस मनी ट्रान्सफरसँगको सहकार्यमा रेमिट्यान्स वालेट ट्रान्सफरका लागि प्लेटफर्म सार्वजनिक गरेको थियो ।

यसै बिच, नेपाल पेमेन्ट सोलुसन्स्ले प्लेटफर्म विस्तारकै क्रममा प्रभु मनी ट्रान्सफरलाई पनि आफ्नो प्लेटफर्मसँग जोडेको छ । नेपाल पेमेन्ट सोलुसन्स् प्रालिको तर्फबाट सिमन श्रेष्ठ, बिजनेश डेभलपमेन्ट मेनेजर र प्रभु मनी ट्रान्सफरको तर्फबाट रामेश्वर सापकोटा, जेनेरल मेनेजरले आ–आफ्नो संस्थाको प्रतिनिधित्व गर्दै सम्झौता पत्रमा हस्ताक्षर गरेका थिए ।

रेमिट्यान्स वालेट ट्रान्सफर एउटा कस्टोमाइज्ड, सरल तथा सुरक्षित फानान्सियल पोर्टल हो । यो विद्युतिय रेमिट्यान्स कारोबारले पैसा पठाउने र पाउने कार्य एकैसाथ हुने गर्दछ र डिजिटल वालेटको विभिन्न फाइदाहरु पनि उपयोग गर्न पाइनेछ । यो प्रणाली सबैका लागि सहज, छिटो र सुरक्षित र सरल किसिमको पैसा पठाउने र पाउने माध्यम हो ।

यससेवालाई अझ बढि प्रभावकारी र सहज बनाउन नेपाल पेमेन्ट सोलुसन्स्ले प्रभु मनी ट्रान्सफरसँग सहकार्य गरेको हो ।  यससँगै सेवाग्राहीहरुलाई रेमिट्यान्सको क्षेत्रमा आफू अनुकुल जहाँकहीँबाट कुनै पनि समय जुनै पनि वालेटमा विद्युतीय रेमिट्यान्स कारोबार गर्न थप सहज हुनेछ ।

अहिले धेरै जसो मानिसहरुले क्यासको सट्टामा डिजिटल वालेट उपयोग गर्ने गरेका छन् । यही कुरालाई मध्यनजर गर्दै डिजिटल रेमिट्यान्सको पहुँच सम्पूर्ण ग्राहक समक्ष पुर्याउने सोचका साथ यो सेवा शुरु गरिएको हो । केहि मिनेटमै रकम पठाउन सकिने भएकाले अब यसले यसले भौतिक तथा पुरानो रेमिट्यान्स प्रणालीलाई समेत आधुनिक प्रणालिमा जोडिदिने गर्दछ ।

Comments