ताजा समाचार

कमल थापाको अर्को स्टाटसः यसपाली त मनै फाट्यो केले सिउने, केले टाल्ने हो?

राजनीति
- न्युज नेपाल
       

काठमाडौं । राष्ट्रिय प्रजातन्त्र पार्टीको अध्यक्षमा पराजित भएदेखि कमल थापा पूरै सामाजिक सञ्जालमा सक्रिय भएका छन् । फेसबुक र ट्विटरमा उनका आधिकारिक पेजहरुबाट एकपछि अर्को उत्तेजक र भावुक पोष्टहरु भइरहेको छ ।

पछिल्लो पोष्टमा चाहिँ थापा भावुक बनेका छन् । आफ्नो अन्तरमनभित्रको मान्यतामाथि नै गम्भीर प्रश्न चिन्ह खडा भएका टिप्पणीसहित उनले राजेन्द्र थापाको चर्चित गीत ‘पोहोर साल खुशी फाट्दा जतन गरी मनले टालेँ।।’ का पंतिहरु सेयर गरेका छन् ।

थापाले आज पार्टीको मतगणना सकिएलगत्तै पूर्वराजा ज्ञानेन्द्र शाहका विरुद्ध सामाजिक सञ्जालमा आक्रोशित टिप्पणी गरेका थिए । त्यसपछि फेरि पूर्वयुवराज्ञी हिमानी शाहको नक्कली ट्विटर अकाउन्टबाट आएको ट्विटलाई कटाक्ष गरेका थिए ।

थापाका धाराप्रवाह स्टाटसहरुले उनलाई पराजयको चोट सहत गाह्रो परिरहेको प्रतित हुन्छ ।

Comments

प्रकाशित मिति : 2021-12-05

अरु समाचार

© NewsNepal 2018 - All Right Reserved.
newsnepal.com 2017.hlon.org