प्रचण्ड बाबुरामबीच भेटवार्ता, एउटै चुनाव चिन्हमा निर्वाचन लड्ने सहमति नजिक

गतिविधि

- न्युज नेपाल

काठमाडाैं । नेकपा माओवादी केन्द्रका अध्यक्ष प्रचण्डलाई पूर्वसहकर्मी समेत रहेका नेपाल समाजवादी पार्टीका अध्यक्ष डा. बाबुराम भट्टराईबीच भेटवार्ता भएको छ ।

प्रचण्ड निवास खुमलटारमा प्रचण्ड र बाबुरामबीच एक्लाएक्लै भेटवार्ता भएको हो । उक्त वार्ताको क्रममा प्रचण्डले बाबुरामलाई पाँच दलीय गठबन्धनमा सहभागी गराउने प्रतिबद्धता व्यक्त गरेका छन् ।

यस्तै, दुई नेताबीच माओवादी केन्द्रको चुनाव चिन्ह गोलाकारभित्रको हसिया हथाैडामा निर्वाचनमा जाने मोटामोटी सहमति समेत जुटेको छ ।

उनीहरु साझा घोषणापत्र र एउटै निर्वाचन चिन्हबाट चुनावमा जाने सहमतिको नजिक पुगेको स्रोतको दाबी छ । यसअघिको भेटमा माओवादी वरिष्ठ नेता नारायणकाजी श्रेष्ठ पनि सहभागी थिए । तर आइतवार दुई नेताबीच एक्ला एक्लै वार्ता भएको थियो ।

प्रचण्ड र बाबुरामबीचको यो समझदारीपछि भोलि (सोमबार) सत्तारुक्ष गठबन्धनको बैठक बस्दैछ । उक्त बैठकबाट बाबुराम नेतृत्वको समाजवादीलाई पनि गठबन्धनमा ल्याउने तयारी भएको स्रोतले जनाएको छ ।

बाबुराम सत्ता गठबन्धनमा सहभागी भएपछि माओवादी र समाजवादीको एउटै घोषणापत्र र चुनाव चिह्न हुनेछ। अब बाबुरामले माओवादीकै चिह्नबाट आगामी निर्वाचनमा लड्ने समझदारी बनेको बताइएको छ।

यसबारे थप गृहकार्य गर्ने सहमतिसहित दुई नेताहरुको बैठक सकिएको छ। जनता समाजवादी पार्टीबाट बिदा भएपछि बाबुराम अहिले नयाँ पार्टी खोलेर राजनीतिक अभियानमा छन्। यस्तोमा उनी आगामी चुनाव जित्ने राम्रो विकल्पको खोजीमा जुटेका हुन्।