एभरेष्ट स्कुलबाट कक्षा १२ का विद्यार्थीको नतिजा शतप्रतिशत

गतिविधि

- न्युज नेपाल

विराटनगर । माद्यामिक शिक्षा परिषद्ले २०७९ सालमा लिएको कक्षा १२ को परिक्षामा विराटनगरको एभरेष्ट स्कुलले उत्कृष्ट नतिजा ल्याएको छ ।

विज्ञान र व्यवस्थापन संकायका १ सय १४ जना विद्यार्थीले परिक्षा दिएकोमा शतप्रतिशत उत्तिर्ण भएका हुन् । कोरोना महामारिका कारण कक्षाहरु व्यवस्थित ढंगले सञ्चालन गर्न नसकिएपनि नतिजा शतप्रतिशत आएको एभरेष्टका सहायक प्रिन्सिपल नारायण कडरियाले बताए ।

१२ कक्षाको नतिजामा ५२ प्रतिशत विद्यार्थीको नतिजा ‘ननग्रेडिङ’ आउँदा एभरेष्टका विद्यार्थीको नतिजा शतप्रतिशत आउनुले एभरेष्टको शिक्षणसिकाई प्रभावकारी छ भन्ने पुष्टि भएको सहायक प्रिन्सिपल कडरियाले बताए ।

स्कुलका प्राचार्य टिकाराम पुरीले एभरेष्ट स्कुलको नतिजा उत्कृष्ट भएपनि समग्ररुपमा देशभरको नतिजा यस वर्ष निराशाजनक रहेको बताए । एभरेष्टको नतिजा राम्रो आउनुमा भने, सूचना प्रविधिको उच्चतम प्रयोग, सिकाईपद्दति र अनुभवि शिक्षक तथा विद्यार्थी र अभिभावकको मेहनत नै प्रमुख कारण रहेको बताए । नीजि तथा आवासीय विद्यालय अर्गनाइजेशन नेपाल (प्याब्सन) का पूर्व अध्यक्ष समेत रहेका पुरीले राष्ट्रिय परिक्षा बोर्डको त्रुटिका कारण ५२ प्रतिशत विद्यार्थीको नतिजा ननग्रेडिङ आएको आरोप लगाउँदै यसले ठूलो संख्याका विद्यार्थीलाई प्रभावित बनाएको बताए ।

कोरोना महामारि झेलेर परिक्षा दिएका विद्यार्थीलाई समयसापेक्ष परिक्षा लिन बोर्डले नसकेको भन्दै उनले प्रश्नपत्र तयार पार्दादेखि नै विद्यार्थीको क्षमतालाई बुझ्न नसकेको बताए । कोरोनाका कारण विद्यार्थीले कक्षा लिन नसकेको, कोर्स पूरा नभएको, कतिपय विद्यार्थीले कोरोना महामारीसँगै लड्नुपरेको अवस्थामा लिइएको परिक्षा समयसापेक्ष भएको भए ५२ प्रतिशत विद्यार्थीको नतिजा ननग्रेडिङ आउदैनथ्यो भन्दै उनले अझै पनि विद्यार्थीमा महामारिको प्रभाव रहने भएकाले त्यसलाई सुधार गरेर लैजानसक्नुपर्ने बताए ।