उच्चस्तरीय छानबिन समिति गठन गर्ने मागलाई उपेक्षा गर्नु नै संसद अवरोधको कारणः शंकर पोखरेल

राजनीति

- न्युज नेपाल

काठमाडौं। नेकपा (एमाले) का महासचिव शंकर पोखरेलले उच्चस्तरीय छानबिन समिति गठन गर्ने मागलाई उपेक्षा गर्नु नै संसद अवरोधको कारण भएको जनाएका छन् । सामाजिक सञ्जाल फेसबुकमा स्टाटस लेख्दै उनले राज्यको मथिल्लो निकायको संलग्नताविना यति ठुलो परिमाणमा सुनतस्करी हुनसक्तैन भन्ने कुरा जो कोहीले पनि वुझ्न सक्ने कुरा भन्ने जनाएका छन् ।

महासचिव पोखरेलले राजश्व प्रशासन र सुरक्षा निकायको स्ष्ट कमजोरी देखिने कुराको छानविन उनीहरुवाट नै गराउछौ भन्नु राजनीतिक संलग्नताको आशंकालाई बल पुर्याउने पक्ष भएको प्रष्ट पारेका छन् । य्रस्तै उनले विगतमा संसदीय छानविनलाई गठवन्धन सरकारले नै पंगु बनाएका कारणले संसदीय छानविन प्रति जनताको विश्वास र भरोसा टुटेको पनि जनाएका छन् ।

पोखरेल सुन तस्करीसम्बन्धमा थप लेख्छन्, ‘त्यसैले राज्यको सुरक्षा प्रणाली प्रतिनै अनास्था र अविश्वास पैदागर्न पुगेको सुन तस्करीको छानविनका लागि नेकपा (एमाले) उच्चस्तरिय न्यायिक छानविन समितिको माग गरेको हो । अव यो माग नेकपा९एमाले०को मात्र माग रहेन । सत्ता गठवन्धनमा रहेका माननीयहरुको समेत माग बन्न पुगेको छ ।’

आशंकाको घेरामा रहेको सरकारका निकायवाट गरिने छानविनवाट यति गम्भीर समस्याको समाधान निकाल्न सम्भव नभएको पनि महासचिव पोखरेलले दाबी गरेका छन् । उनी भन्छन्, ‘सबैले बुझ्नु पर्दछ कि( उच्चस्तरिय छानविन आयोग गठन भएका कारणवाट नै राजनीतिक संलग्नतामा भएको ललिता निवास प्रकरण बाहिर आएको हो ।’

Comments

प्रकाशित मिति : 2023-08-14

उच्चस्तरीय छानबिन समिति गठन गर्ने मागलाई उपेक्षा गर्नु नै संसद अवरोधको कारणः शंकर पोखरेल

Comments

अरु समाचार