वाग्नर समुहका प्रमुखको हवाई दुर्घटनामा मृत्यु

विश्व प्रवास

काठमाडौं । रुसी राष्ट्रपति भ्लादिमिर पुटिन माथि विद्रोह गर्ने रुसको एक निजी सेना वाग्नरका प्रमुखको हवाई दुर्घटनामा परि निधन भएको छ । निजी सेना वाग्नर समुहका प्रमुख येभगेनिभ प्रिगोजिनको गए राति हवाई दुर्घटनामा परि मृत्यु भएको समाचार संस्था रोयटर्सले रुसको एजेन्सी टासलाई उद्धृत गर्दै यस्तो खबर दिएको हो । उनि सँगै दुर्घटनामा परि बाँकी १० सैनिको पनि मृत्यु बएको बताइएको छ ।

जुनमा रुसी राष्ट्रपति भ्लादिमिर पुटिन विरुद्ध विद्रोह गरेका येभगेनीको बुधबार राति दुर्घटनामा परि निधन भएको हो ।
करिब डेढ वर्ष अघि देखी रुस र छिमेकी मुलुक युक्रेन बिच युद्ध चलिरहेको छ । उक्त युद्धमा परि दुवै तर्फका लाखै सेना मरेका छन् भने करोडौ मानिस यसले प्रभावित भएका छन् । युद्ध कहिले र कसरि सकिने अझै अनिश्चित जस्तै छ । मुलत नेटोसमुह र रुस बिच जस्तो देखिने यो युद्धले विश्वलाई नै ठुलो समस्यामा पारेको छ । यहि युद्धकै बिच रुसिकै स्थानिय निजी सेना समुहले राष्ट्रपति माथि आक्रमण गरे पछि रुस गृह युद्धमा जाने निश्चित जस्तै थियो तर उक्त समस्यालाई अर्का छिमेकी राष्ट्र बेलारुसका राष्ट्रपतिले २४ घण्टा भित्रै साम्य पारेका थिए । तिनै सेनका प्रमुखको गए राति दुर्घटनामा निधन भएको हो ।
रोयटर्सले दिएको जानकारि अनुसार यो दुर्घटना बुधबार दिउँसो मस्कोको उत्तरी क्षेत्रमा भएको हो । रुसको नागरिक उड्डयन प्राधिकरणले येभगेनीको नाम यात्रु सूचीमा रेहेको मात्रै जानकारि दिएको छ ।

राष्ट्रपति माथि आक्रमण भएपछि महिनौ सम्म हराएका प्रिगोजिन दुई दिन अघि अफ्रिकामा भिडियोमा सैन्य पोशाकमा देखापरेका थिए । उनि कहिले र कसरि रुस पुगे भन्ने खुलाएको छैन् ।

सामाजिक सञ्जालमा दुर्घटनाका केही भिडियोहरू छन्, यद्यपि यसको प्रामाणिकता पुष्टि हुन बाँकी रहेको स्रोतले जनाएको छ।
जुन १ सन् १९६१ मा सेन्ट पिटर्सबर्गमा जन्मिएका प्रिगोजिन कुनै समय राष्ट्रपति पुटिनका साथि समेत थिए ।