माल्दिभ्सलाई ४–१ गोल अन्तरले हराउँदै नेपाल सेमिफाइनलमा

खेलकुद

- न्युज नेपाल

काठमाडौं । माल्दिभ्सलाई हराउँदै नेपाल साफ यू–१९ च्याम्पियनसिपको सेमिफाइनलमा पुगेको छ ।

आज दशरथ रंगशालामा भएको प्रतिस्पर्धात्मक खेलमा माल्दिभ्सलाई ४–१ गोल अन्तरले परमजित गर्दै नेपालले सेमिफाइल यात्रा तया गरेको हो ।

अब नेपालले सेमिफाइनलमा भुटान वा भारतसँग खेल्ने छ ।

नेपाललाई जिताउन प्रशान्त लक्सम, समीर तामाङ र निराजन धामीले गोल गरे ।

प्रशान्तले १६औं मिनेटमा गरेको लङ रेञ्ज प्रहार पोस्टको माथिल्लो भागबाट जाली चुम्न पुगेपछि नेपालले सूरुवाति अग्रता लिएको थियो ।

यस्तै २९ मिनेटमा समीरले निराजन धामीको थ्रो पासमा गोल गर्दै नेपालको अग्रता दोब्बर पारेका थिए ।

तर ५७ औं मिनेटमा माल्दिभ्सले १ गोल फर्काउदै खेलमा पुनारागमन गर्न खोजे पनि ८८औं मिनेटमा निराजनले गोल गर्दै नेपाललाई ३–१ ले अग्रता दिलाए ।

यस्तै खेलको ९६औ मिनेटमा समीर तामाङले दोस्रो गोल गर्दै नेपाललाई ४–१ गोलले जित दिलाएका हुन् ।

खेलमा सुरुदेखि नै नेपालले दबाब बनाएको थियो । छैटौं मिनेटमा निराजन धामीको पासमा प्रशान्त लक्समको प्रहार पोष्टबाट बाहिरियो ।

आजको दोस्रो खेल भारत र भुटानविरुद्व ५ः३० मा हुनेछ ।

प्रकाशित मिति : 2023-09-25

अरु समाचार