स्थानीय तहका कर्मचारी ‘पेनडाउन’ गरी विरोधमा उत्रदाँ सेवाग्राही मर्कामा

गतिविधि

- न्युज नेपाल

काठमाडौं । विभिन्न माग राखेर आन्दोलनमा उत्रेका स्थानीय तहका कर्मचारी पोनडाउन गरी विरोधमा उत्रेका छन् ।

स्याङ्जाका ११ वटै स्थानीय तहका कर्मचारी शुक्रबार हातमा कालो पट्टी बाँधेर अत्यावश्यक कामबाहेक सेवा ठप्प गरेर अन्दोलनमा उत्रेका हुन् ।

पालिका मुलगेटमा कालो व्यानर सहित विरोध जनाउँदै प्लेकार्ड बोकेर माग पूरा गर्न सरकारलाई दबाब दिइएको छ ।

शुक्रबार स्याङ्जाका ९७ वटै वडा र ११ वटै पालिकाबाट कुनै सेवाप्रवाह नभएको स्थानीय तहका कर्मचारी संघर्ष समिति स्याङ्जाले जनाएको छ । सामान्य सिफारीसमेत नगरिदिएपछि सेवाग्राही मर्कामा परेका छन् ।

एकृकित निजामती सेवा ऐन जारी गर, अस्थायी तथा करारका कर्मचारीको उचित व्यवस्थापन गर, अन्तर प्रदेश सरुवा लागू गर, तीनै तहका कर्मचारीलाई निजामती परिभाषामा समावेश गर, भन्दै पालिकाका मुलगेटमा नाराबाजी गरिएको छ ।

स्थानीय तह कर्मचारी केन्द्रीय संघर्ष समितिले घोषणा गरे बमोजिम शुक्रबारबाट अनिश्चतकालीन सेवा प्रवाह ठप्प पारेर आन्दोलनमा उत्रन बाध्य भएको वालिङमका संयोजक भवानी तिवारीले बताए ।

केन्द्रीय समितिले सबै कर्मचारीलाई काठमाडौ केन्द्रीत हुन आवहन गरेको छ, उनले भने, केन्द्रमा पुग्न नसक्ने साथीहरुले आआफ्नो स्थानीय तहमा आन्दोलन कायम राख्ने निर्देशन छ । सोही मुताबिक शुक्रबारदेखि कालो पट्टी बाँधेर पेनडाउन गरेका हौ ।

स्याङ्जाका स्थानीय तहका कर्मचारीले प्रमुख जिल्ला अधिकारीवमार्पmत प्रधानमन्त्री पुष्पकमल दाहाल प्रचण्डलाई ज्ञापनपत्र पठाइसकेको जनाइएको छ ।