अन्तराष्ट्रिय व्यापार मेला १४ मंसिरबाट काठमाडौमा हुने
काठमाडौं । नेपाल उद्योग वाणिज्य महासंघद्धारा प्रत्येक वर्ष आयोजना गरिँदै आएको नेपाल अन्तराष्ट्रिय व्यापार मेला आगामी १४ देखि १८ मंसिरसम्म हुने भएको छ।
काठमाडौंको भृकुटिमण्डपमा आयोजना हुने सो मेलाका लागि ५० प्रतिशत स्टल बुकिङ भइसकेको र यस वर्षको मेलामा चीन, भारत, पाकिस्तान, बंगलादेश र भुटानबाट सहभागिता हुने भएको छ। मेलामा नेपाली युवा उद्यमी मञ्चद्धारा ‘मेड इन नेपाल’ पेभेलियन तथा वस्तुगत संघको कमोडिटी प्याभिलियन रहने छ ।
उद्योग वाणिज्य तथा आपूर्ती मन्त्रालयको सहयोगमा व्यापार तथा निकासी प्रर्वद्धन केन्द्रको प्रवद्र्धन तथा ललितपुर उद्योग वाणिज्य संघ र नेपाल हस्तकला महासंघको सहआयोजनामा क्यालेन्डर इभेन्टका रुपमा सो मेला आयोजना हुन लागेको हो । ‘नेपाल अन्तराष्ट्रिय व्यापार मेला २०२३’ नवौं संस्करण हो ।
नेपाल अन्तराष्ट्रिय व्यापार मेला २०२३ नेपाली उत्पादनलाई अन्तराष्ट्रिय बजारमा प्रर्वद्धन गर्न एक सशक्त माध्यम बन्दै आएको छ। कुल ३ सयभन्दा बढी स्टलमार्फत मेलामा स्वदेशी एवं विदेशी वस्तु तथा सेवाको प्रर्दशनी गरिनेछ । मेलामा सार्क राष्ट्रसहित चीन कोरिया, जापान, इन्डोनेसियालगायतका देशका क्रेतालाई आमन्त्रण गरिनेछ ।
मेलामा नेपालको नेपाल हब्स तथा हर्बल उत्पादक संघको आयोजनामा आयुर्वेदसम्बन्धी वस्तुको प्रर्दशनी एवं प्रर्वचन कार्यक्रमसमेत हुनेछ । मेलाका अवसरमा अन्तराष्ट्रिय खरिदकर्ता समक्ष प्रत्यक्ष अन्तरक्रिया गराउने लक्ष्यसमेत रहेको छ । मेलामा हस्तकला,पर्यटन सूचना तथा प्रविधि एवं व्यावसायिक सूचना, कृषि उत्पादन,ऊर्जा,भवन तथा निर्माणसम्बन्धी शिक्षा आदिका छुट्टाछुट्टै स्टलहरु राखिनेछन् ।
मेलाका अवसरमा विभिन्न देशबाट आउने व्यापारिक प्रतिनिधिसँग भेटघाट तथा द्विपक्षीय व्यापार प्रर्वद्धन तथा लगानीबारे छलफल हुने र यस वर्षको मेलामा स्वदेशी र विदेशी गरि करिब ५० हजार अवलोकनकर्ताले अवलोकन गर्ने लक्ष्य राखिएको छ। महासंघकै नेतृत्वमा यस वर्ष अघिल्ला वर्षजस्तै मुलुमकभित्र प्रदेशिक,जिल्लास्तर एवं वस्तुगत गरी विभिन्न भागमा मेला तथा महोत्सव आयोजना हुने पत्र प्राप्त भइरहेको छ ।
राष्ट्रिय तथा अन्तराष्ट्रिय तहमा एउटा विशिष्ठ पहिचान बनाइसकेको नेपाल अन्तराष्ट्रिय लगानी तथा प्रविधि आर्कषण गर्ने, नेपाली उत्पादनको अन्तराष्ट्रिय बजार प्रर्वद्धन गरी समग्रमा मुलुकको अर्थतन्त्र माथि उठाउन सघाउ पुर्याउन आशा एवं विश्वास महासंघले लिएको छ । साथै मन्दीमा रहेको अर्थतन्त्रलाई चलायमान बनाउनसमेत मेला सहयोगी हुने विश्वास महासंघले लिएको छ ।
मेलामा जेष्ठ नागरिक तथा फरक रुपले सक्षम नागरिकलाई निशुःल्क तथा विद्यार्थीलाई उनीहरुको प्रवेशपत्रका आधारमा ५० प्रतिशत प्रवेश छुटको व्यवस्थासमेत गरिएको छ। आजबाट स्टल बुकिङ्ग खुल्ला गरिएको छ ।
Comments
अरु समाचार
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...
-
नेप्से परिसूचक ५७ अङ्कले घट्दा कारोबार रकम साढे सात अर्बमा खुम्चियो
काठमाडौं । यो साता कारोबारको लगातार दोस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ । आइतबार ५०...
-
चितवनमा बिक्री भएन पाँचसय मेट्रिक टन मह
काठमाडौं । यहाँ उत्पादन गरिएको महलाई ‘ब्राण्डिङ’ गरेर बजारमा ल्याइएको छ । कालिका नगरपालिकाका मौरीपालक किसान शिवप्रसाद शर्मा पौडेलले उत्पादन...
-
पहेलो धातुको मूल्य हाल सम्मकै उच्च
काठमाडौं । बहुमूल्य पहेलो धातु(सुन)को मूल्यले आज पनि नयाँ रेकर्ड कायम गरेको छ। अघिल्लो दिन प्रतितोला पाँच सय रुपैयाँले बढेको...
-
विदेशी मुद्राको विनिमय दर : आज अमेरिकी डलरको मूल्य बढेन
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलरको...
-
पेट्रोलकाे प्रतिलिटर चार र डिजेलको पाँच रुपैयाँ मूल्य घटाइयो
काठमाडौं । पेट्रोलियम पदार्थको मूल्य घटेको छ । नेपाल आयल निगमले आज राति १२ बजेदेखि लागू हुनेगरी पेट्रोल र डिजेलको...
-
झापाको मेचीनगरस्थित होटेल मेची क्राउन चारवर्ष पूरा गरी पाँचौँ वर्षमा प्रवेश
काँँकडभिट्टा । झापाको मेचीनगरस्थित होटेल मेची क्राउनले चार वर्ष पूरा गरी पाँचौँ वर्षमा प्रवेश गरेको छ । संस्कृति, पर्यटन तथा...