ताजा समाचार

एमालेको ‘समृद्धिका लागि संकल्प यात्रा’: गण्डकी प्रदेश पस्यो

समाचार
- न्युज नेपाल
       

काठमाडौं । नेकपा एमालेको ‘समृद्धिका लागि संकल्प यात्रा’ गण्डकी प्रदेश प्रवेश गरेको छ।

अध्यक्ष केपी शर्मा ओली नेतृत्वमा टोली सुदूरपश्चिम, कर्णाली र लुम्विनीको यात्रा सकेर आज गण्डकी प्रदेश प्रवेश गरेको हो।

पार्टीका प्रचार तथा प्रकाशन विभागका प्रमुख राजेन्द्र गौतमका अनुसार पूर्वी रुकुमको सदरमुकाम रुकुमकोट, खाबाङ बजार  र लुकुम गाँउको जनतासंग भेटघाटका कार्यक्रम सकेर रुकुम रोल्पा र बाग्लुङको संगम स्थल तिलाचन पुगेर गण्डकी प्रदेश प्रवेश गरेको  हो।

गौतमका अनुसार  गण्डकी प्रदेशको बागलुङस्थित बुर्तिबाङमा बिहानको खाना खाने तयारी छ।

नेकपा एमालेले मंसिर १४ गते देखि मध्यपहाडी राजमार्गको पश्चिमी सुरुवात बैतडीको झुलाघाटबाट पूर्वसीमा विन्दु पाँचथरको चिवाभञ्ज्याङसम्म समृद्धिका लागि संकल्प यात्रा गरिरहेको छ।

Comments

प्रकाशित मिति : 2023-12-06

अरु समाचार

© NewsNepal 2018 - All Right Reserved.
newsnepal.com 2017.hlon.org