देश गठबन्धनको बन्दी बनेको छ : राजेन्द्र गौतम

समाचार

- न्युज नेपाल

नेकपा एमालेका स्थायी कमिटी सदस्य तथा प्रचार विभाग प्रमुख राजेन्द्र गौतमले देश गठबन्धनको बन्दी बनिरहेको आरोप लगाएका छन्।

प्रेस चौतरी मोरङले २६ औँ स्थापना दिवसका अवसरमा सोमबार बिराटनगरमा गरेको कृष्णप्रसाद सिग्देल स्मृति युवा पत्रकारिता पुरस्कार वितरण सामारोहमा बोल्दै नेता गौतमले देशको राजनीति गठबन्धनले कब्जा गरेको बताए।

गठबन्धनका कारण देश अस्तव्यस्त र उकुसमुकुस भएको बताए। सरकारले सुशासनका नाममा विभिन्न खाले सम्झौता गरिरहेको उनले बताएका छन्।

देश ठूलो आर्थिक संकटमा रहेको बताउँदै गौतमले भने, ‘आर्थिक अवस्था धारासायी छ। गाउँघरमा विकास निर्माणका काम ठप्प छन्। कर्मचारीलाई तलब खुवाउन ऋण लिनुपर्ने अवस्था छ।’

यस्तै गौतमले नयाँ आएका दलहरूबाट पनि परिवर्तन सम्भव नभएको बताए। जनताले केही गर्छ कि भनेर विश्वास गरेका रवि लामिछाने काण्डैकाण्डमा फसेको उनले बताए। कार्यक्रममा प्रेस चौतारीका केन्द्रीय सचिव विक्रम लुइँटेलले पत्रकारहरूलाई काममा प्रतिवद्ध हुन सुझाव दिएका छन्।

पछिल्लो समय पत्रकारिता क्षेत्रमा समाचार लेख्नेभन्दा पनि नेतागिरी गर्नेको संख्या बढिरहेको बताउँदै लुइँटेलले श्रमजिवी पत्रकारहरू जागरुक भएर अघि बढ्नुपर्ने बताए।