ताजा समाचार

त्रिदेशीय टी–२० क्रिकेट : फाइनलमा पुग्न आज नेदरल्यान्ड्स र नामिबिया खेल्दै

खेलकुद
- न्यूज नेपाल
       

काठमाण्डौ । त्रिदेशीय टी–२० क्रिकेट शृङ्खलाको फाइनलमा पुग्न आज नेदरल्यान्ड्स र नामिबिया खेल्दैछन् । खेल बिहान साढे ११ बजे कीर्तिपुर मैदानमा शुरु हुनेछ । आजको खेल हेर्न टिकट शुल्क लाग्ने छैन । आजको खेलबाट फाइनल पुग्ने टोलीको टुङगो लाग्नेछ ।

आज नेदरल्यान्ड्सले जितेमा फाइनलमा पुग्नेछ तर नामिबियालाई फाइनलमा पुग्न आज सामान्य जितले मात्रै पुग्ने अवस्था छैन । नामिबियाले ठूलो अन्तरले जितेमा नेदरल्याण्डस् रनरेटका आधारमा बाहिरिन्छ । हिजो भएको खेलमा नेपालले नेदरल्यान्ड्सलाई ६ विकेटले हराउँदै फाइनलमा पुगिसकेको छ ।

शुरुको दुई खेलमा लगातार हारेको नेपाल पछिल्ला दुई खेल जितेर फाइनलमा पुगेको हो । नेपाल ४ खेलमा ४ अङ्कका साथ तालिकाको दोस्रो स्थानमा छ । समान ४ अङ्क रहेको नेदरल्यान्ड्स पहिलो र नामिबिया २ अङकसहित तेस्रो स्थानमा छ । फाइनल खेल पर्सि मंगलवार हुनेछ ।

Comments

प्रकाशित मिति : 2024-03-03

अरु समाचार

© NewsNepal 2018 - All Right Reserved.
newsnepal.com 2017.hlon.org