कवाड व्यवसायीमाथि प्रहरी दमनको विरोधमा सांसदहरू

breaking news

काठमाडौं । सांसदहरुले कवाड व्यवसायीहरुको शान्तिपूर्ण आन्दोलनमा प्रहरीले दमन गरेको भन्दै आपत्ति जनाएका छन् । साथै उनीहरुले प्रहरी दमनबाट घाइते भएकाहरुको उचित उपचारको व्यवस्था गर्न पनि माग गरेका छन् ।

बुधबार प्रतिनिधिसभाको आकस्मिक समयमा बोल्दै आम जनता पार्टीका अध्यक्ष प्रभु साहले कवाड व्यवसायीहरुमाथि प्रहरीले निर्मम दमन गरेको र ५० भन्दा बढि घाइते भएउनले प्रहरी दमनका बिषयमा गृहमन्त्री रवि लामिछानेको जवाफ माग गर्दै दमनमा संलग्नलाई कारवाही गर्नुपर्ने धारण राखे ।

शान्तिपूर्ण विरोध प्रदर्शन गर्न नेपाली जनताको संवैधानिक र लोकतान्त्रिक हकविपरीत भएको प्रहरी हस्तक्षेप लोकतन्त्रविपरीत रहेको बताए । नेपालका जनताका जीउधन र व्यवसायको ग्यारेन्टीको सवाल सिर्जना भएको उनले बताए ।

त्यस्तै सांसद डा. अमरेशकुमार सिंहले अदालतबाट आदेश जारी भए पनि कवाड व्यवसायलाई हटाउने कामको विरोध गदै प्रदर्शनमा उत्रेका प्रदर्शनकारीमाथि भएको प्रहरी हस्तक्षेपप्रति आक्रोश पोखे । मधेशको मान्छे देख्नेबित्तिकै लाठीचार्ज गर्ने प्रशासनको नीति स्वीकार्य नभएको उनले बताए । घाइतेहरूको उपचार निशुल्क गर्न पनि उनले सरकारसँग माग गरेका छन् ।

यसअघि मंगलबार कवाड हटाउने निर्णयको विरोध गर्दै काठमाडौं महानगरपालिका घेराउ गर्न खोज्दा कवाडी व्यवसायीहरूमाथि प्रहरीले धरपकड गरेको थियो ।