राष्ट्रिय जेष्ठ नागरिकको सभापतिद्वारा पदवहाली

गतिविधि

काठमाडौं । राष्ट्रिय जेष्ठ नागरिक कोषको सभापतिमा हालै नियुक्त हुनु भएका सभापति देवी प्रसाद सुवेदी,सदस्य सचिव गोपाल मेहताले आज असार २० गते कोषको कार्यालय भृकुटीमण्डपमा पदवाहली गर्नु भएको छ।

यसैगरि हालै राष्ट्रिय स्वास्थ्य कोषको सदस्य सचिवमा नियुक्त हुनु भएका मेघराज न्यौपानेले पनि आजै भृकुटीमण्डपमा गएर कोषको कार्यालयमा पदबहाली गर्नु भएको छ। उहाँहरू कोषमा चार वर्षको लागि नियुक्त हुनु भएको हो।

समाज कल्याण परिषद अन्तरगतको कोषले जेष्ठ नागरिकहरूको हक,हित,अधिकार,सेवा सुविधाका लागि काम गर्दै आइरहेको छ। यो कोषले दुरदराजमा बसेर अवसर अवसर र सुविधाको पहुँचबाट टाढा रहेका जेष्ठ नागरिकहरूको क्षेत्रमा उल्लेखनीय भूमिका खेल्दै आएको छ। जीवनको उत्तरार्धमा सम्मानित जिवनयापन जेष्ठ नागरिकहरूको एक मात्र चाहाना हो।

परिवार,समाज र राष्ट्रका लागि सम्पूर्ण जीवन समर्पण गरेका जेष्ठ नागरिकहरू दिनानुदिन आफ्नै परिवारका सदस्यहरूबाट प्रताडित हुनु परेको अवस्था छ। कोषको सभापतिमा नियुक्त सुवेदी कास्की पोखरा निवासी हुनुहुन्छ । उहाँ नेकपा(एमाले) का केन्द्रीय सल्लाहकार,पञ्चायतकालमा प्रधानपञ्च र राष्ट्रिय फुटवल खेलाडी पनि रहनु भएको थियो।