विशेष अदालतमा पहिलो पटक ‘भर्चुअल’ बहस

breaking news

काठमाडौं । निलम्बित मुख्यसचिव डा.बैकुण्ठ अर्याल जोडिएको भ्रष्टाचार मुद्दामा विशेष अदालतले दुई प्रतिवादीकातर्फबाट कानुन व्यवसायीहरूसँग अमेरिकाबाट भर्चुअल माध्यमबाट बहस गरेको छ ।

अमेरिकाको कान्सास राज्यमा रहेका प्रतिवादीहरू सफल श्रेष्ठ र विष्णुप्रसाद गौतमका तर्फबाट कानुन व्यवसायी अधिवक्ता अपुर्व खतिवडाले हिजो १०ः३० बजे अमेरिकाबाट भर्चुअल माध्यमबाट बहस तथा छलफल गरेको थियो। हिजो कार्तिक १२ गते सोमबार विशेष अदालतका अध्यक्ष टेकनारायण कुँवर, न्यायाधीश खुसी प्रसाद थारु र रितेन्द्र थापाको इजलासमा भर्चुअल सुनुवाइ भएको विशेष अदालत स्रोतले बताएको छ ।

गत २०८१ असार ९ गते अख्तियार दुरुपयोग अनुसन्धान आयोगले अन्तःशुल्क स्टिकर छपाइमा भ्रष्टाचार भएको आरोपमा मुख्यसचिव डा.अर्याल,अर्थ मन्त्रालयका सहसचिव रितेश कुमार शाक्यसहित १२ जनाविरुद्ध मुद्दा दायर गरेको थियो। उनीहरू विरुद्ध ३८ करोड ६७ लाख १७ हजार रुपैयाँको बिगो माग गरिएको छ। विशेष अदालतले २०८० चैत १५ गतेपछि थुनछेक प्रयोजनको लागि अभियुक्तको साक्षी बकपत्र बयान समेत भर्चुअल माध्यमबाट गर्दै आएको छ।

विशेष अदालतको अध्यक्षमा टेक नारायण कुवँर आएपछि उनले भर्चुअल माध्यमबाट थुनछेक बहस, बयान लिन थालेको छ। वादी,प्रतिवादी काम विशेषले विशेष अदालतमा भौतिक रूपमा उपस्थित हुन नसकेका र विदेशमा रहेका वादी,प्रतिवादी र अभियुक्तको साक्षी बकपत्र, बयान तथा कानुन व्यवसायीले भर्चुअल माध्यमबाट बहस गरिरहेको छ,अब प्रत्यक्ष सुनुवाइ गर्ने तयारी समेत गरिरहेको विशेष अदालत स्रोतले जानकारी दिएको छ।

Comments

प्रकाशित मिति : 2024-10-29

विशेष अदालतमा पहिलो पटक ‘भर्चुअल’ बहस

Comments

अरु समाचार