प्रधानमन्त्री ओली मंसिरमा चिन जाने

breaking news

काठमाडौं । प्रधानमन्त्री केपी शर्मा ओली मंसिरमा चिन भ्रमणमा जाने भएका छन् ।

प्रधानमन्त्री केपी शर्मा ओलीको राजनीतिक सल्लाहकार विष्णु रिमालले चीनको औपचारिक भ्रमणको मिति निर्धारण भएको जानकारी दिएका हुन्। रिमालका अनुसार प्रधानमन्त्री आगामी मंसिर १७ देखि २० सम्म तिन दिने चिन भ्रमणमा जाने भएका हुन् ।

उक्त भ्रमणका क्रममा क्रममा किमाथांका, कोरोला र हिल्सा नाका सुचारु गर्ने, सन् २०१७ मा हस्ताक्षर भएर पनि कार्यान्वयनमा रोकिएको परियोजना अघि बढाउने, बहुप्रतिक्षित सिगात्से–केरुङ–काठमाण्डौ रेल्वेको कामलाई तीव्रता दिने, र पोखरा विमानस्थलको ऋण मिनाहा गर्ने जस्ता विषयहरूमा छलफल हुने प्रधानमन्त्रीका प्रमुख राजनीतिक सल्लाहकार विष्णु रिमालले जनाकारी दिए।

अघिल्लो महिना न्यूयोर्कमा भारतीय प्रधानमन्त्री नरेन्द्र मोदीसँगको भेटमा नेपाल भ्रमणको सम्भावना भएको चर्चा भए पनि हालसम्म प्रधानमन्त्री ओलीलाई दिल्लीबाट औपचारिक निमन्त्रणा आएको छैन्। यसपटक प्रधानमन्त्री ओलीले दिल्लीको सट्टा बेइजिङको निमन्त्रणा स्वीकार गर्दै एक नयाँ पहल गर्न लागेका हुन्।

भ्रमणको गृहकार्य पूरा गरेर तिहारपछि बस्ने मन्त्रिपरिषद् बैठकले कार्यतालिका अनुमोदन गर्नेछ ।